Fapea Tesalonika 1:3 - Buka Blahi Ka Cheke Holo

³ Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Fapea Tesalonika 1:3 ပူးပေါင်းရင်းမြစ်များ

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Tesalonika 3:9

Tutuani fara, ghehati tangomana te cheke fakelini God eimi ghotilo. Nu nomi kilo fnakno ghehati na theome nabagna u gleale'a biꞌo ke ulugna noda God eimi ghotilo!

Letas Teke Riso Tei Mae Pol Ka Khiloau Rom 1:8

Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Fapea Pita 1:13

Igne gaoghathogu iara na, karha nga teu iara ka nauthoglu gne, jame te keli na iara togho ghami ghotilo mala thosei ghatho ihodi ghotilo.

Ululahu Tesalonika 3:6

Nu mae Timoti gne kela pulo mei ka ghehati funu ka ghotilo. Mana hata mei famane nonomho te keli eigna nomi fatutuani nei namha. Mana toutonu ka ghehati eimi ghotilo te ghatho ghami fabrahu ka puhi te keli, nei magnahaghei filo ghami fara jateula ghehati te magnahaghei filo ghami ghotilo.

Filipae 1:7

Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Ululahu Korin 1:4

Iara cheke fakelini God leuleghu fata naugna mana neke tusu ari ka ghotilo nogna khokofakasai na mala kaisei ghotilo balugna Jisas Kraes.

Luku 17:5

Hatimare mae khurure ne cheke eghu ka mae Jisas, “Lord, farerhetadi nomi fatutuani gre.”

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Nodi Khoje Hatimare Mae Jiu 92:13

Uve, mare ginau au fabrahu ka nogna Sugablahi Lord. Eghuteuna mare ginau kegra maku fabrahu jateula gaju te karha ka famane glose te kelira eghu.

Nodi Khoje Hatimare Mae Jiu 84:7

Kate haghe naiknore Saion na, mare nake heta fapulo, naugna mare ginauna na filoni God.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Fapea Korin 10:15

Ghehati fahaehaghe salaꞌui ka nomi gloku na kolho. Ghehati theome magnahaghe te fahaehaghe ka gloku tela edihi keha naiknore. Nu te rouronu ghehati na ghotilo ginauna kotu leuleghu fata ka nomi fatutuani na nei ghotilo ginauna toghoni nomi gloku ghehati gne mala kotu e biꞌo.

Fapea Tesalonika 2:1

Uve kheraguro, ghehati magnahaghei te cheke ka ghotilo eigna narane meigna noda Lord Jisas Kraes mala salo fodu ghita balugna.