Fapea Tesalonika 1:11 - Buka Blahi Ka Cheke Holo

¹¹ Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Fapea Tesalonika 1:11 ပူးပေါင်းရင်းမြစ်များ

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Fapea Tesalonika 1:5

Glepo igre thofno falalase puhigna God mala fatedi naiknore thofno doglo fara. Eigna God magnahaghei ghami ghotilo naba te mala au baludi naikno God te funei frunidi. Tuana gaoghathogna te au papara ghotilo gne.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Fapea Tesalonika 2:14

Ka Nonomho te Keli te mei toutonu ghehati igne, God neke kilo ghami ghotilo mala nogna naikno blahi mana. Jaola God neke kilo mei ghami ghotilo mala hatini u thofno nakarha te mei ka noda Lord Jisas Kraes.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.

Letas Teke Riso Tei Mae Pol Ka Khiloau Rom 8:30

Eghuteuna naikno teke magnahaghedi God mala jateula thugna teure, mana jaola neke vahidi mare, eghuteuna mana toghodi mala doglo ka tathagna thegna na, eghuteuna tusu ranghidi nakarhagna mae Jisas te theo ka huigna.

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Filipae 1:6

God mae ihei teke fufunu gna u gloku karha na ka nakarhami ghotilo re, mana ginauna eni fabrahu u gloku te keli tuana ghilei gnafa ka narane na teke pulo meigna mae Jisas Kraes. Eghuteuna iara thono fatutuani ni fara igne.

Nodi Khoje Hatimare Mae Jiu 138:8

Lord God, iara laseni, iagho ginauna edi unha teke nhaꞌa chekedi iagho ka iara ra, naugna nou namha iagho ka ghehati na theome tangomana te hui na. Thosei tei koko ghami ghehati nou naikno iagho teke vuavuha themu gre sagho.

Nodi Khoje Hatimare Mae Jiu 51:18

God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Thakle 5:10

Iagho eꞌeidi mare mala mae pris te mala toghodi nogna naiknore nei mala pogho soruni God Kmagna noda King. Mare ginauna funei frunidi naiknogna nauthoglu igne.”

Thakle 3:4

Nu kehaghu kolho ka ghotilo jare Sadis te au doglo ke ulugna God te theome leghuni u puhi nakhibo na. Mare reireghi fakelidi thedi jateula kaisei mae te reireghi fakelidi nogna pohere te mala theome thona teu ia eghu. Mare ginauna pipichi pohe vegha eghuteuna mare ginauna na au balugu iara. Mare nabadi te eni igne naugna nodi gloku na keli fara ke ulugu iara.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Efesus 1:9

Mana neke enihi unha teke ghathoni thegna na. Uve, mana neke falalase ka tahati gaoghatho teke poru teku igne, eigna mana neke kulu ghathoni igne tifa mala kaputu ka mae Jisas Kraes.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Nonomho Te Keli Teke Risoi Mae Mak 4:28

Nu glepo tuana thegna glose kolho te fakotudi nei faꞌuredi teure. Glepo te kulu jifla mei ulu lahu na khakla kolho, ke leghu na thakle mei chechenge khakla, nei glepo leghu lahu na sisi ke lamna chechenge.

Profet Sekaraea 4:7

“Ka Tharunga igne, Serababel tangomana te uludi gobigna lepo te ninhigrana te fanograni mana te theome tangomana mana te loku fagnafani nogna Sugablahi Lord. Uve, mana jateula te eni kaisei thogele biꞌo te mala vido sare ra eghu. Eghuteuna kate lilisei mana thina leghu lahu ka suga igne, naiknore ginauna eha eghu fabiꞌo, ‘Keli fara! Keli fara!’ ”

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Profet Isaia 66:9

Kate fufunu iara nogu gloku na, iara magnahaghei te eni fahui gloku igne. Ba, kate tarabana mala fakarha sua teu gaꞌase na, iara tangomana te lhotini naꞌa te mala theome fakarha sua naꞌa na? Theo!

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Nodi Khoje Hatimare Mae Jiu 68:20

Noda God tahati igne ngala te tangomana te mala fakarhidi naiknore. Noda Lord God tahati igne ngala te tangomana te mala fakarhi ghita kau lehe ka magra na.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Letas Teke Riso Tei Mae Pol Ka Khiloau Rom 15:14

Kheraguro, iara thofno laseni eigna ghotilo edi fabrahu puhi te kelire, naugna ghotilo lasenihi puhigna God na nei tangomana te farirhiudi naiknore thofno chekegna God.