Fapea Samuel 9:7 - Buka Blahi Ka Cheke Holo

⁷ Aonu mae Devet ne cheke eghu ka mana, “Iagho thosei mhaghu. Iara magnahaghei te togho nigho iagho, naugna mae kmamu iagho mae Jonatan ia neke mae kheragu keli iara. Nogna vido glose te gnafa mae kuꞌemu iagho mae king Sol ra, iara ginauna nake tusu fapulo ka iagho, eghuteuna iara magnahaghei nigho iagho te mei ima balugu iara koba ka nogu tevo iara igne.”

Fapea Samuel 9:7 ပူးပေါင်းရင်းမြစ်များ

Fapea Samuel 9:1

Aonu kaisei narane, mae Devet ne ghusna eghu ka nogna mae biꞌore, “Keha mae karhau ka thugna mae king Sol ra, ba theo? Jame te au teu kaisei ka mare na, iara magnahaghei te toghoni mana, naugna mae Jonatan ia neke mae kheragu keli fara iara tifa na.”

Ululahu Kings 2:7

“Nu iagho mala keli ranghidi thugna mae Basilae, maegna Gilead ra. Iagho hata meidi mala ima fabrahu ka sugamu na. Naugna tifa na, kani teke rikhani iara mae thabusimu Absalom na, mare neke thofno keli fara ranghi ghau iara.

Fapea Samuel 9:3

Eghuteuna king ne ghusna eghu, “Kaisei mae ka thugna mae Sol ra au, ba theo? Jame te au teu kaisei ka mare na, iara magnahaghei te toghoni mana jateula teke nhaꞌa cheke iara ka God ia eghu.” Aonu mae Siba ne cheke eghu ka mae Devet, “Uve, kaisei thugna mae Jonatan na auꞌau, nu ghahegna na diꞌa eghu.”

Fapea Samuel 19:28

Tutuani, iagho nabamu te kafe aknu falehe ghami ghehati teke vikegna mae kuꞌegu iara king Sol. Nu iagho kokhoni ghau iara ne snakre ghau iara te mala mei ima koba ka sugamu iagho na. Iara theo kaisei nogu nolaghi te mala toreni kaisei glepo ka iagho na.”

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Nodi Khoje Hatimare Mae Jiu 41:9

Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Fapea Kings 25:29

Aonu King Jehoiakin ne hata koko pohe sosolo na, funu ka narane igne te ghilei hui nakarha gna na, mana ghamu koba balugna king ka nogna tevo na.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.

Fapea Samuel 12:8

Eghuteuna iara jaola neke tusu ari ka iagho nogna suga, nei khetogna teku mae Sol ra. Eghuteuna vahi nigho iagho mala nodi king mae Israel nei Juda. Eghuteuna jame te theome naba glepo igre na, iara ginauna tusu ari kmana glepo ka iagho.

Ululahu Samuel 12:24

Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.

Jenesis 43:23

Nu mae gloku igne ne nomhidi nodi cheke mare igre ne cheke eghu, “Keliu ngala. Thosei mhaghu jame nomi God ghotilo na nei nodi God mae kmami ghotilo ra eghu ngala teke lilisei sileni tuare ka nomi duku ghotilo re. Nu sileni teke foli gano ghotilo ra la hatahi iara.” Aonu mae gloku igne ne tei ne hata mei mae Simion na ka mare.

Matiu 6:11

Tusu mei ranghi ghami gano te nabagna narane igne.

Fapea Samuel 19:33

King ne cheke eghu ka mana, “Iagho na ari balugu iara Jerusalem, eghuteuna iara ginauna reireghi nigho iagho.”

Fapea Samuel 9:11

Aonu mae Siba ne cheke eghu ka mae Devet, “King, iara na edi gobigna lepo te chekedi iagho igre.” Aonu mae Mefiboset ne ima fabrahu balugna king, jateula te thofno thugna thegna ra neu kolho.

Jenesis 43:18

Kate hatadi te tei ka sugagna mae Josep na, mare ne mhaghu nodi fara ne cheke eghu fari thedi, “Tore, mae igne hata mei ghita tahati agne, naugna eidi sileni teke lilisei ka noda duku tahati ra ka thei ulu lahu ia. Jame igne u ngala gaoghathogna te hata mei ghita mana ka suga igne. Mae igre ginauna na hata mei ghita tahati agne mala nodi mae gloku kolho mare. Eghuteuna mare ginauna na jaola hata noda dongki tahati gre eghu.”

Fapea Samuel 9:10

Eghuteuna iagho baludi thumu nei nou mae gloku teura, ghotilo mala loku nagare, nei hata mei gano ka nagare tuare eghu ranghini mana. Eghume ka puhi igne vikegna mae Sol igre ginauna au ghedi gano. Nu mae Mefiboset gne ginauna mei ima balugu iara koba.” Nu mae Siba gne au nabotho thugna nalhaꞌu, nei varadaki mae gloku.

Fapea Samuel 9:13

Nu mae Mefiboset gne mana au fabrahu Jerusalem mala ima balugna king, naugna phei gahegna manare thono diꞌa fara.

Profet Jeremaea 52:33

Aonu King Jehoeakin ne rusu koko nogna pohe sosolo na ne tusu lao pohe majaghani ka mana. Eghuteuna leuleghu narane funu ka narane igne te ghilei gnafa nakarhagna na, mana ghamu koba ka tevo balugna king.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.

Ululahu Samuel 20:15

Kate falehedi te gnafa Lord nou naoka iagho ka nauthoglu igne, iagho ghathoni fabrahu tharaknagu iara gne.”

Ululahu Samuel 22:23

Nu iagho thosei mhaghu, iagho au balugu iara. King magnahaghei te falehe ghita tapa, nu jame te au iagho balugu iara na, iagho ginauna na theome tangomana te lehe na.”

Fapea Samuel 19:29

Aonu king ne cheke eghu ka mana, “Iagho thosei chekeni kaisei glepo. Te magnahagheni iara na, ghopa mae Siba tufa fari hoteimi themi nogna glose mae kuꞌemi ia.”

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.