Fapea Samuel 9:6 - Buka Blahi Ka Cheke Holo

⁶ Mae Mefiboset gne thugna mae Jonatan, thugna mae Sol. Kate mei ka sugagna gna king na, mana pogho soru ke ulugna king Devet ne fafnaknoni mana. Aonu mae Devet ne ghusna eghu ka mana, “Iagho mae Mefiboset?” Mana ne cheke eghu, “Uve, iara nou mae gloku iagho.”

Fapea Samuel 9:6 ပူးပေါင်းရင်းမြစ်များ

Ululahu Kronikols 9:40

Mae Jonatan gne kmagna mae Merib-Baal, keha nanghagna na Mefiboset. Eghuteuna mae Merib-Baal gne kmagna mae Maeka.

Ululahu Kronikols 8:34

Mae Jonatan gne kmagna mae Merib-Baal, keha nanghagna na Mefiboset. Eghuteuna mae Merib-Baal gne kmagna mae Maeka.

Fapea Samuel 16:4

Mae Devet nomhini igne ne cheke eghu ka mae Siba, “Uve, iara ginauna lisa ari ka iagho nogna gobigna lepo mae Mefiboset ra.” Aonu mae Siba ne cheke eghu ka mae Devet, “King, iara thofno cheke fakeli nigho. Iara magnahaghei te edi koba unha glepo te keli jame te kelitamudi iaghore.”

Ululahu Samuel 25:23

Kate filoni mae Devet na, Abigel ghosei ne krofu soru ka nogna dongki na ne pogho soru pari ke ulugna mae Devet ne cheke eghu, “Funei, fanomho mei ka iara! Glepo igre nogu najafra iara!

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.

Jenesis 33:3

Mana thegna te tei ulu lahu ka jajagha na, eghuteuna kate tei te namo mana ka mae tighagna na, mana ne fitu fata pogho soru pari ka glose na ke ulugna mae Iso.

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Fapea Samuel 4:4

Mae Jonatan thugna mae king Sol igne au kaisei thugna nalhaꞌu. Nanghagna na mae Mefiboset. Mana glima finogha gna kolho funu karhagna te mei nonomho funu Jesrel glehedi mae Sol ghe mae Jonatan. Gaꞌase te reireghini mana na papani mana ne rikha. Nu kate nanga nogna fara naꞌa te rikha na, mana uka ne klopa phei gahegnare. Aonu mana blughu ne theome tangomana te nonolo na.

Fapea Samuel 9:5

King nomhini igne ne kurudi keha mae mala tei hata mei ka mana thugna mae Jonatan igne.

Fapea Samuel 1:7

Mana filo ghau iara neke eha ghau iara. Aonu iara ne cheke eghu ka mana, ‘Unha sia king!’

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.