Fapea Samuel 8:3 - Buka Blahi Ka Cheke Holo

³ Mae Devet jaola ne magra ka mae Hadadesa thugna mae Rehob king gna Soba. Mana neke hata fapulo nohi ka Khoꞌu biꞌo Iufretis.

Fapea Samuel 8:3 ပူးပေါင်းရင်းမြစ်များ

Ululahu Samuel 14:47

Keha narane ke leghugna te kegra king gna Israel mae Sol igre, leuleghu fata na mae Sol tei magra koba ka nogna naoka te au ka vido te gnafa faligohoni Israel. Ka maedi Moab, maedi Amon, maedi Idom, ka mae king di Soba, nei ka maedi Filistia. Eghuteuna leuleghu fata na mana tei magra ka mare neke thofno goigonidi fara mare.

Fapea Samuel 10:19

Kate filoni igne, hatimare mae king te loku ke parigna King Hadadesa igre mei ne kubae ka mae Israel ne au ke paridi mare. Eghuteuna maedi Aram igre ne mhaghu nodi fara eigna te toghodi naiknogna Amon.

Fapea Samuel 10:16

Eghuteuna king Hadadesa ne fatei cheke ne kilo meidi soldia te gnafa Aram te au ke kasa Khoꞌu biꞌo Iufretis. Aonu mare ne kafe mei ka namono Helam. Mae Sobak, nogna komanda king Hadadesa igne ne batudi mare.

Ululahu Kronikols 18:3

Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria.

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.

Nodi Khoje Hatimare Mae Jiu 72:8

Te keli na jame mana king ka kantri te gnafa gre, funu ke maghati tei posa ke mosu. Uve, funu ka Khoꞌu biꞌo Iufretis tei posa ka namono te gnafa ka nauthoglu igne.

Nodi Khoje Hatimare Mae Jiu 60:1

God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.

Ululahu Kings 4:21

King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Diutronomi 11:24

Aheva te tei tapla ghotilo tagna na, glose tuana nomi ghotilo. Nomi nohi ghotilo na ginauna funu ke mata namono nagou tei posa ke raru Thogele Lebanon, eghuteuna funu ke maghati Khoꞌu biꞌo Iufretis tei posa ke mosu Thongna Mediterenian.

Eksodas 23:31

“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Fapea Samuel 10:15

Kate filoni armi gna Aram igne te diꞌa soru nodi ka armi gna Israel igne na, mare ne kilo fodu nodi soldiare ne eni haghe kaisei armi biꞌo.

Fapea Samuel 23:36

mae Igal thugna mae Natan maegna Soba; mae Bani maegna Gad;

Fapea Kronikols 8:3

King Solomon tei ne magra ka mare ke raru Hamat-Soba. Mana uludi mare ne hata namono igne.