Fapea Samuel 8:15 - Buka Blahi Ka Cheke Holo

¹⁵ Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Fapea Samuel 8:15 ပူးပေါင်းရင်းမြစ်များ

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Profet Emos 5:24

Nu iara magnahaghei ghami ghotilo te edi puhi te keli, nei doglo teu igre, eghuteuna puhi igne ginauna au fabrahu ka ghotilo jateula khoꞌu te theome tangomana te moja ra eghu.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nodi Khoje Hatimare Mae Jiu 75:2

God ne cheke eghu, “Iara la kulu liliseihi thofno narane te mala fatedi naiknore, eghuteuna iara ginauna fatedi naiknore ka puhi te doglo.

Ululahu Kronikols 18:14

Mae Devet ne funei frunidi vido te gnafa Israel, eghuteuna mana reireghi fakelidi naiknore ka puhi te keli nei doglo.

Fapea Samuel 5:5

Ulu lahu na mana neke au Hebron neke king frunini Juda fitu finogha namno nhigra. Eghuteuna ke leghu na, mana king frunidi gnafa Israel ghe Juda jare Jerusalem tolufulu thilo finogha.

Fapea Samuel 3:12

Mae Abna kurudi keha mae mala tei cheke eghu ka mae Devet, “Mae ihei na te funei frunini kantri igne? Jame te eni iagho kaisei nhaꞌa cheke ka iara na, iara ginauna togho nigho mala hata mei naikno te gnafa ka kantri Israel mala nou naikno iagho.”

Hibru 11:33

Hatimare neke fatutuani ni God. Naugna igne mare neke edi kmana nafnata glepo te biꞌo. Mare magra neke tapla sorudi kmana mae king nei kmana namono biꞌo. Mare neke funei ka puhi te doglo, nei hata unha glepo te keli teke nhaꞌa cheke ranghidi. Naugna igne mare ne fofotho foflodi lion nei falehedi khaꞌaghi te biꞌo fara, eghuteuna nodi naflahi mae te magnahaghei mei falehedi mare re theome thokedi mare. Neuba mare ne nigra, mare ginauna nake nheta. Eghuteuna mare heta fara ka magra ka hatimare mae thara te mei funudi ka namono delei nei tapla sorudi.

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Fapea Samuel 8:16

Ka narane igre mae Joab thugna Seruia, mana mae komanda ka armi. Mae Jehosafat thugna mae Ahilud, mana mae mala reireghi nogna buka king.

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Nodi Khoje Hatimare Mae Jiu 119:121

Lord God, iara neke edi glepo te keli nei doglo teure. Thosei snakre ghau ka iheire te magnahaghei falehe ghau iara gre.

Ululahu Samuel 14:47

Keha narane ke leghugna te kegra king gna Israel mae Sol igre, leuleghu fata na mae Sol tei magra koba ka nogna naoka te au ka vido te gnafa faligohoni Israel. Ka maedi Moab, maedi Amon, maedi Idom, ka mae king di Soba, nei ka maedi Filistia. Eghuteuna leuleghu fata na mana tei magra ka mare neke thofno goigonidi fara mare.

Fapea Samuel 15:3

Mae Absalom ne cheke eghu, “Nou cheke iagho igne thofno doglo fara, nu king theome vahini kaisei mae te mala fanomho ka iagho na.

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Ululahu Kings 4:1

Aonu, Solomon ne king fruni Israel.