Fapea Samuel 8:14 - Buka Blahi Ka Cheke Holo

¹⁴ Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Fapea Samuel 8:14 ပူးပေါင်းရင်းမြစ်များ

Jenesis 27:29

Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Fapea Samuel 8:6

Aonu mae Devet ne lilisei kmana soldia Damaskas. Eghuteuna naiknodi Aram igre ne au ke parigna mana, aonu mare ne foli takis ka mana. Ka vido aheva te tei magra mae Devet na, Lord na toghoni mana te mala uluni mana magra na.

Jenesis 25:23

Lord neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Ululahu Kronikols 18:13

Eghuteuna mae Abisae ne lilisei kmana soldia ka nogna tothoghei armi na mala reireghidi kmana namono Idom, eghuteuna kmana naiknodi Idom ne au ke parigna nogna nolaghi mae Devet. Ka vido aheva te tei magra mae Devet igre, Lord toghoni koba mana mala uludi magra tuare.

Ululahu Kings 22:47

Ka narane igre, kantri Idom igne theo nodi king, aonu King Jehosafat ne vahini kaisei mae biꞌo mala funei fruni ni kantri Idom.

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Ululahu Kings 11:15

Tifa, kani teke magra King Devet ka naiknodi Idom ra, mae Joab mae ihei teke komanda ka armi gna Israel na, mana neke tei Idom neke giugilui thinidi hatimare mae soldia di Israel teke lehe ka magra. Ka narane tuare, mae Joab balugna armi na neke aknu falehe mae te gnafa di Idom.

Fapea Samuel 5:10

Mae Devet ne rheta fara, naugna Lord God mae ihei te au nolaghi fateote'o igne ne au fabrahu balugna mana.

Fapea Samuel 7:9

Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.

Ululahu Kings 22:48

King Jehosafat ne horo vaka biꞌo mala luja glepo. Eghuteuna mana ne kuru teidi nogna mae gloku re mala tei hata gol Ofia. Nu vaka igne ne tei ghorho Esion-Geba ne theome tangomana te tei thoke jare.

Fapea Kings 14:7

Nogna soldia mae Amasaea gre ne aknu falehe nabotho thogha soldia di Idom ka glogu te kiloi mare, “Glogu mala hata tahi.” Mana ne hata namono biꞌo Sela igne ka magra, eghuteuna mare kiloni namono igne Joktel, nangha igne au ngala mei thoke ka narane gognarogne.

Fapea Kings 18:7

Aonu Lord ne au balugna mae Hesekaea, eghuteuna gobigna lepo te edi mana re neke thofno keli fara. Eghuteuna mae Hesekaea ne theome magnahagheni king gna Asiria gne ne theome leghuni mana.

Nodi Khoje Hatimare Mae Jiu 60:1

God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.