Fapea Samuel 7:9 - Buka Blahi Ka Cheke Holo

⁹ Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.

Fapea Samuel 7:9 ပူးပေါင်းရင်းမြစ်များ

Fapea Samuel 5:10

Mae Devet ne rheta fara, naugna Lord God mae ihei te au nolaghi fateote'o igne ne au fabrahu balugna mana.

Ululahu Kronikols 17:8

Funu tifa te mei na iara neke au balumu iagho ka vido aheva te tei iagho na. Iara neke togho nigho iagho neke tapla faparidi nei uludi neku iagho nou naoka ra. Eghume, iara ginauna tusu ranghi nigho iagho nafnakno biꞌo, salaꞌudi lida te gnafa teke fnakno fara tifa ra ghilei mei posa ka narane gognarogne.

Fapea Samuel 8:6

Aonu mae Devet ne lilisei kmana soldia Damaskas. Eghuteuna naiknodi Aram igre ne au ke parigna mana, aonu mare ne foli takis ka mana. Ka vido aheva te tei magra mae Devet na, Lord na toghoni mana te mala uluni mana magra na.

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Luku 1:52

Mana ne nhaꞌa sorudi mae funeire ka nodi sape nafnaknore, eghuteuna ke nhaꞌa haghedi mae iheire teke nhaꞌa faparidi thedire.

Nodi Khoje Hatimare Mae Jiu 89:23

Iara ginauna roꞌedi nogna naoka mana re, eghuteuna iara ginauna falehedi iheire te tirodini mana re.

Fapea Samuel 22:30

Iagho tusu mei nolaghi fabrahu ka iara, mala magra iara ka nogu naokare. Uve, iagho farheta ghau iara fabrahu, mala thofno uludi iara namonodi mae naokare.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Ululahu Samuel 31:6

Mae Sol, thilo mae thugna re, mae majaghani igne, nei nogna soldia mana re eghu ne kafe lehe ka narane igne.

Ululahu Samuel 5:10

Aonu mare hata ne tei Bokis Blahi igne Ekron, keha nodi namono mae Filistia. Kate pala mare Bokis Blahi igne te tei thoke Ekron na, naiknogna namono igne ne eha eghu fabiꞌo, “Sei! Mare hata mei nodi Bokis Blahi mae Israel igne ka noda namono tahati gne. Mare jau magnahaghei te falehe ghita tahati sini!”

Fapea Samuel 8:13

Mae Devet ne fnakno fara nanghagna na heva heva ke leghugna teke pulo mei funugna kate aknu falehe mana nabotho thogha maedi Idom ka glogu Tahi.

Fapea Samuel 23:1

Igne nogna cheke leghu lahu mae Devet, thugna mae Jesi. Nogna God mae Jekop neke vahini mae Devet mala mae king biꞌo. Eghuteuna nodi God mae Israel te au nolaghi biꞌo igne namhani mana. Kate cheke God ka mana te mala cheke na, mae Devet ne cheke eghu:

Josua 6:27

Mae Josua ne fnakno fara heva heva Kenan eidi glepo te edi mana igre. Eghuteuna Lord na ne au fabrahu balugna mana.

Ululahu Samuel 18:30

Kmana fata, mae komanda ka armi gna Filistia igne mei magra koba ka mae Israel. Nu mae Devet uludi koba mare. Mana ne aknu falehe kmana mae soldia fara, salaꞌudi keha nogna mae komanda mae king Sol. Naugna igne, naikno te gnafare ghatho tahuni fara mana.

Fapea Samuel 22:43

Iara puri ngujadi mare, neke ghilei jateula nakrofu neku mare. Iara neke tapla ka mare, mala ghilei jateula chopu ka nabrou ra eghu mare.

Nodi Khoje Hatimare Mae Jiu 21:6

Iagho fablahini mana fabrahu tifa e tifa. Mana thofno glealeꞌa fara naugna iagho ne au balugna mana.