Fapea Samuel 7:23 - Buka Blahi Ka Cheke Holo

²³ Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Fapea Samuel 7:23 ပူးပေါင်းရင်းမြစ်များ

Diutronomi 10:21

Ghotilo ghatho tahuni Lord! Eigna mana ngala nomi God ghotilo mae ihei teke edi glepo biꞌo te mamhaghuana teke filodi ghotilo ra.

Diutronomi 9:26

Ka narane tuana iara tarai ka Lord ne cheke eghu, ‘Lord nogu Funei, thosei falehedi. Naikno igre nou iagho, eghuteuna iagho neke hata fajifladi Ijep ka nou nolaghi te biꞌo nei ka khamemu te rheta tulao.

Nodi Khoje Hatimare Mae Jiu 147:20

Mana theome edi glepo igre maladi naiknodi keha kantri delei. Theo, mare theome lasedi nogna famane farirhiu mana re. Tahati kilo fnaknoni Lord!

Nodi Khoje Hatimare Mae Jiu 111:9

Mana neke fakarhi ghita tahati nogna naikno gre, nei eni u nhaꞌa cheke te theo ka huigna igne baluda tahati. Mana mae blahi nei nolaghi fara eghu.

Nehemaea 1:10

“Naikno igre nou naikno gloku iagho nei nou naikno iagho. Iagho fakarhidi ka nou nolaghi biꞌo nei nou nanheta.

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Profet Esikiel 20:9

Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Nodi Khoje Hatimare Mae Jiu 145:6

Naiknore ginauna toutonudi glepo biꞌo teke edi iagho ra, nei iara na toutonuni eigna fnakno fara iagho na.

Nodi Khoje Hatimare Mae Jiu 65:5

Kate tore ari nigho ghehati na, iagho cheke tughu ghami ghehati, ne tangomana ghehati te uluni u magra na. Iagho edi glepo biꞌo te mala fakarhi ghami ghehati na. Naikno te gnafa ka nauthoglu igne fatutuani nigho iagho.

Ululahu Kronikols 17:21

Theo kaisei ka keha naikno ka nauthoglu igne te jateula nou naikno iagho Israel igre teuna. Iagho neke fakarhidi mala tangomana naikno te gnafa igre te laseni nanghamu iagho te haghe fara na. Iagho neke hata fapulodi Israel nou naikno themu teke au sosolo Ijep, eghuteuna iagho neke edi kmana glepo te thono biꞌo fara kani teke brue fajifladi iagho keha naiknore ka namono igne.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nodi Khoje Hatimare Mae Jiu 106:22

Kofubobhoi teke edi God Ijep ra thono biꞌo fara, eghuteuna glepo teke edi mana ka Thongna Ukru ra, thono glepo mala jaglo nodi fara, nu mare theome ghathoni mana kolho eghu.

Naba 6:27

“Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Profet Jeremaea 32:21

Ka nou nolaghi biꞌo, iagho neke edi thua nafnata kofubobhoi nei fagaglana neku neke mhaghu nodi fara naiknodi Ijep. Ka puhi igne, iagho neke atha fajifla ghami Ijep.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Eksodas 9:15

Uve, jame magnahaghei te para nigho baludi nou naikno gre ka khabru biꞌo meula iara na, ghotilo jame kafe lehe hui. Naugna iara au nogu nolaghi biꞌo.

Eksodas 33:16

Jame te theome tei iagho balumi ghehati na, faꞌunha eghu laseni naiknore te tei iagho balumi ghehati na? Nu jame te au iagho balumi ghehati na, keha naiknore ginauna laseni te ghehati gne nhogriu ka keha naikno ka nauthoglu igne.”

Fapea Samuel 7:24

Lord, iagho neke fakarhidi naiknodi Israel ra mala nou naikno themu fabrahu, iagho Lord God, nodi God mare.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Profet Jeremaea 32:20

Tifa na iagho neke edi kofubobhoi te biꞌo ka kantri Ijep. Eghuteuna iagho theome gnafa te edi glepo igre ghilei mei posa ka narane gognarogne ke lamnagna kantri Israel, nei jaola ka keha kantri igre. Naugna igne, naiknodi kantri te gnafa igre laseni nanghamu nei nou nolaghi teu iagho na.