Fapea Samuel 7:22 - Buka Blahi Ka Cheke Holo

²² “Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Fapea Samuel 7:22 ပူးပေါင်းရင်းမြစ်များ

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.

Profet Isaia 45:5

Kaisei Iara ngala Lord na. Theo kaisei god aheva nga te au na. Neuba iagho ne theome lase ghau iara, iara ginauna farheta nigho iagho mala magra.

Diutronomi 3:24

‘Lord, iagho nogu Funei iara, iara lase nigho iagho teke fufunu fakakhana nou nolaghi biꞌo na. Theo kaisei god kligna nei ka nauthoglu igne eghu tangomana te edi re nafnata glepo biꞌo te nolaghi te edi iagho igre.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.

Nodi Khoje Hatimare Mae Jiu 89:8

Lord God, kaisei iagho ngala te au nolaghi biꞌo na. Theo kaisei naikno te au nolaghi biꞌo jateula iagho teuna. Lord God, kaisei iagho ngala te tangomana te tajidi nou nhaꞌa chekere.

Nodi Khoje Hatimare Mae Jiu 89:6

Lord God, theo kaisei naikno te au kligna te jateula iagho teuna. Uve, neubane engel puhidire theome keli kolho jateula puhimu iagho eghu.

Nodi Khoje Hatimare Mae Jiu 96:4

Lord na fnakno kligna lahu. Uve, tahati pala hagheni nanghagna mana na. Fnakno kligna lahu ka God fateote'o, nei tahati mala ghatho tahuni mana kolho.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Nodi Khoje Hatimare Mae Jiu 48:1

Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Nodi Khoje Hatimare Mae Jiu 135:5

Iara laseni eigna Lord te fnakno kligna lahu na. Uve, noda mae funei tahati na fnakno fara kligna lahu ke uludi keha god te chaichaghi are.

Nodi Khoje Hatimare Mae Jiu 44:1

God, glepo biꞌo teke edi iagho ranghidi ku'emi ghehati tifara, mare la toutonuhi ka ghehati la nomhidihi ghehati themi.

Profet Esikiel 36:22

“Eghume naugna igne, iagho cheke ka naiknodi Israel iara Lord God te cheke eghu igne: ‘Iara ginauna nake hata fapulo ghami ghotilo, theome naugna te keli ghotilo na. Theo! Naugna ghotilo ne lausasaba nanghagu iara te blahi na ka namono aheva te au ghotilo tagna na.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Isaia 40:25

Igne nogna cheke God mae te blahi fara, “Ihei gne te jateula iara teu puhigna na?

Fapea Kronikols 2:5

“Iara ghaoghatho mala horo kaisei famane Sugablahi biꞌo malagna mana, naugna nomi God ghehati maemi Israel igne haghe fara salaꞌudi keha god are.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Profet Esikiel 36:32

Ghotilo mala lasedi unha te edi iara glepo igre, theome eidi glepo te keli teke edi ghotilo ra. Ghotilo naiknomi Israel! Ghotilo mala diꞌanagnafa nei mala mamajadi eghu unha teke edi ghotilo ra! Igne nogu cheke iara Lord God.

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Eksodas 9:14

Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Profet Daniel 2:45

Thina biꞌo te phili funu ka thogelero te soru thegna te goigonidi gol, nei silva, nei bras, nei aean, nei glose teu igre, fagaglana gna God mae ihei te au nolaghi fateote'o igne te fakakhana ka iagho unha nate thoke mei ginauna. Eghuteuna gaoghathodi unha te filodi iagho igre ginauna thoke mei tutuani fara.”

Eksodas 8:6

Aonu mae Eron ne leghuni chekegna Lord na ne loku haghe nogna khodo na ke kligna khoꞌu biꞌo, eghuteuna groma na ne haghe ne thafru kantri thongana na.

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Fapea Samuel 22:32

Lord ngala God te tutuani na! Theo kaisei Thina jateula mana teuna.