Fapea Samuel 7:21 - Buka Blahi Ka Cheke Holo

²¹ Glepo te biꞌo te edi iagho igre jifla mei ka nou gaoghatho iagho, eghuteuna nou gaoghatho iagho igre thofno horoghoto fara ka unha teke nhaꞌa cheke iagho na. Eghuteuna iagho snakre ghau iara mala lasedi iara glepo igre.

Fapea Samuel 7:21 ပူးပေါင်းရင်းမြစ်များ

Nodi Khoje Hatimare Mae Jiu 115:1

Lord God, kaisei iagho ngala te mala ghatho tahu nigho ghehati na, naugna kaisei iagho ngala te namha ghami ghehati na, nei iagho taji fakelidi u nhaꞌa cheke teke edi iagho ka ghehati ra.

Efesus 3:11

Unha te eni God igne ne thofno horoghoto ka puhi teke ghathoni mana ka vuvuhagna na. Tutuani fara, mana ne eni igne ka nogna gloku mae Jisas Kraes noda Lord.

Efesus 1:9

Mana neke enihi unha teke ghathoni thegna na. Uve, mana neke falalase ka tahati gaoghatho teke poru teku igne, eigna mana neke kulu ghathoni igne tifa mala kaputu ka mae Jisas Kraes.

Ululahu Korin 1:1

Iara mae Pol. God neke vahi ghau iara mala kaisei nogna khuru mae Jisas Kraes. Ghepa mae thabusigna Sostinis

Luku 12:32

“Neubane theome nheta ghotilo, thosei mhaghu. Naugna mae Kmami ghotilo na keli tagna fara te snakre ghami ghotilo te mala au ke lamnagna karha te funei frunini mana na.

Nodi Khoje Hatimare Mae Jiu 138:2

Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.

Luku 10:21

Ka narane tuana, mae Tharunga te Blahi na ne thofno fagleꞌani mae Jisas ne cheke eghu, “Mama, iara cheke fakeli nigho, iagho mae te funei frunidi gobigna lepo kligna nei pari. Iara cheke fakeli nigho naugna iagho ne falalase ka iheire te jateula sua teu te ihore thofno glalase igne, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na. Uve, Mama, iagho eni igne naugna igne unha te thofno magnahagheni iagho na.

Luku 1:72

God neke nhaꞌa cheke ranghi ghita mala kokhonidi mae kuꞌeda tifa ra. Mana neke ghatho fapuloni u nogna nhaꞌa cheke te blahi na.

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Matiu 11:26

Uve, Mama, iagho eni igne, naugna igne unha te thofno magnahagheni iagho na.”

Diutronomi 9:5

Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Ululahu Kronikols 17:19

Glepo biꞌo te edi iagho igre jifla mei ka gaoghathomu iagho kolho, eghuteuna thofno jifla mei jateula teke nhaꞌa chekeni iagho ia eghu. Eghuteuna iagho snakre ghau iara te mala lasedi glepo igre.