Fapea Samuel 7:18 - Buka Blahi Ka Cheke Holo

¹⁸ Mae King Devet nomhidi nogna cheke God igre ne tei ruma ka nogna Suga Tapuale Lord na ne gnokro soru ke ulugna Lord ne tarai: “Lord God, iara nei tharaknagu teu igre tharuma'ei kolho. Neuba, iagho keli fara ranghi ghau iara.

Fapea Samuel 7:18 ပူးပေါင်းရင်းမြစ်များ

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Ululahu Kronikols 17:16

Aonu King Devet tei ka Suga Tapuale te Blahi na ne gnokro ke ulugna nogna Bokis Blahi Lord na. Mana ne tarai eghu, “Lord God, iara nei tharaknagu iara teugre theo nafumi kolho. Neuba, iagho thofno keli fara ranghi ghau iara.

Ululahu Samuel 18:18

Nu mae Devet ne cheke eghu ka mae Sol, “Iara theome nabagu te tolaghi ka thumu iagho na, naugna vikegu iara na theome fnakno ka tahati agne Israel, eghuteuna iara jaola theome mae biꞌo.”

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Eksodas 3:11

Nu Moses ne cheke eghu ka God, “God, iara theome nabagu te tei kegra ke ulugna mae king te mala atha naiknodi Israel te mala jifla Ijep na, theo fara.”

Ululahu Samuel 15:17

Mae Samuel ne cheke eghu, “Tifa na, iagho jame neke kaisei fiti mae kolho neku ka gaoghathomu na, nu gognarona iagho nodi mae mala baubatu vikegna Israel. Eigna Lord neke fablahi nigho iagho mala nodi king maedi Israel.

Jajis 6:15

Nu Gidion ne cheke eghu, “Faꞌunha eghu tangomana iara te fakarhini Israel na? Ghehati ka tharaknagna Abiesa gne glaꞌe fara ka vikegna Manase. Eghuteuna iara gne fiti naikno kolho ka tharaknagu iara na.”

Ululahu Samuel 9:21

Aonu mae Sol ne cheke eghu ka mae Samuel. “Iara vikegna mae Benjamin, eghuteuna vike ikoi kolho ke lamnagna vikeda tahati maeda Israel. Eghuteuna vikegna mae kmagu iara na theo nanghagna ka vikegna mae Benjamin. Eghume naugna unha sagho te eni ka iara u nafnata cheke ignea?”

Profet Isaia 37:14

Mare ne tusu lao letas igne ka King Hesekaea, aonu mana ne iu'iju letas igne. Kate gnafa iu'iju na, mana hata ne tei letas igne ka Sugablahi na ne feferha ke ulugna Lord.

Fapea Samuel 7:17

Aonu mae Nata tei ne toutonu ka mae king Devet unha teke nomhini mana ka nogna mifi na.

Jenesis 32:11

Iara tore nigho iagho mala fakarhi ghau ka mae ke biꞌogu Iso. Iara mhaghu nogu fara glahula mei mana falehe fateo ghami ghehati hui, gaꞌase nei sua teu igre.

Thoutonu Eigna Rut 2:10

Eghuteuna Rut tufru soru pari ne cheke eghu ka mae Boas, “Iara gaꞌasegu ka keha vidoi. Naugna unha sagho te keli fara ranghi ghau iara gnea?”

Fapea Samuel 23:5

“Iara leghuni puki igne, eghume iara laseni God ginauna fablahini vikegu iara igne. Mana neke eni kaisei nhaꞌa cheke balugu iara, eghuteuna gobigna lepore doglo eghuteuna ginauna au fabrahu tifa tifa. Te laseni iara na igne ginauna thofno togho ghau iara, eghuteuna ginauna tusu ranghi ghau iara gobigna lepo te magnahaghedi iara re.

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.