Fapea Samuel 7:13 - Buka Blahi Ka Cheke Holo

¹³ Mae igne ginauna horo kaisei nogu suga iara mala mei naiknore namo ka iara, eghuteuna vikegna mana re ginauna funei fruni fabrahu tifa tifa.

Fapea Samuel 7:13 ပူးပေါင်းရင်းမြစ်များ

Ululahu Kings 8:19

nu iagho ginauna na theome tangomana nate horo Sugablahi igne. Kaisei mae thumu iagho ginauna nate horo Sugablahi igne mala mei naiknore cheke fakelini Nanghagu iara na.’

Ululahu Kings 5:5

Eghume, gognarona iara magnahaghei te babana kaisei Sugablahi te mala kilo fnaknoni nanghagna Lord nogu God, jateula Lord teke chekeni mana ka mae kmagu iara Devet. Lord neke cheke eghu ka mana, ‘Mae thumu iagho mae ihei nate gnokro ka sape nafnakno te mala tughu nigho iagho igne ginauna babana Sugablahi te mala kilo fnaknoni nanghagu iara na.’

Nodi Khoje Hatimare Mae Jiu 89:4

Iara neke cheke eghu ka mae Devet, ‘Uve, vikemu iagho na ngala te mala king koba na, eghuteuna mare na mae nheta koba.’ ”

Ululahu Kings 6:12

“Iara magnahaghei te cheke ka iagho eigna Sugablahi te loku iagho igne. Jame te leghudi iagho nogu cheke nei vetula teu iara igre na, iara ginauna edi ranghi nigho unha teke nhaꞌa chekedi iara ka mae kmamu iagho King Devet.

Profet Sekaraea 6:13

eghuteuna naiknore ginauna ghatho tahuni mana jateula king eghu. Eghuteuna kate funei frunidi nogna naiknore, kaisei pris ginauna kegra fabrahu rhegna mana. Leuleghu fata na phia mare ginauna loku fodu ka kaisei gaoghatho kolho, nei au fakeli.’

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nodi Khoje Hatimare Mae Jiu 89:29

Leuleghu fata na kaisei mae ka vikegna mana na ngala te mala mae king na, eghuteuna iara ginauna kaisei mae king ka vikegna mana igne ginauna funei frunidi fabrahu naiknogna Israel jateula maloa te au fabrahu te theome gnafa kligna ana eghu.

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Hibru 3:3

Nu te keli na tahati kafe ghatho tahuni mae Jisas, ke tulao gna mae Moses, jateula ngau naiknore ghatho tahuni mae ihei teke horo gna u suga na, ke tulao gna ghatho tahuni eigna suga na.

Profet Isaia 49:8

Lord ne cheke eghu ka nogna naiknore, “Iagho nogu mae gloku iara. Ka narane te mala fakarhi nigho na, iara ginauna kokhoni nigho na nomhini nou tharai iagho na. Iara ginauna reireghi fakeli nigho mala theo kaisei hoholo te thoke nigho na, eghuteuna iara ginauna vahi nigho mala jateula kaisei nhaꞌa cheke eghu ka naikno te gnafa ka nauthoglu igne. Eghuteuna iara ginauna snakre nigho mala eꞌei nodi namono nogu naikno iara igre ka nodi namono naikno te thono diꞌa fara gognaro gre.

Nodi Khoje Hatimare Mae Jiu 89:21

Iara ngala te fahetani mana na, eghuteuna nogu nolaghi iara na ginau au fabrahu balugna mana.

Ululahu Kronikols 28:10

Fanomho fakeli iagho ia, naugna Lord neke vahi nigho iaghohi te mala horo nogna Sugablahi mana na. Eghume, iagho mala kegra heta, iagho mala loku ghilei gnafa gloku igne.”

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Fapea Samuel 7:27

“Lord God, iagho mae ihei te au nolaghi fateote'o ia, iagho nodi God mae Israel, iagho neke chekeni kaisei cheke ka iara nou mae gloku gne. Te chekeni iagho na, iagho ginauna vahini kolho vikegu iara igne te au nolaghi te mala king na. Eghume iara theome mhaghu te tarai ka iagho na.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Ululahu Kings 2:24

Tutuani, Lord mae ihei te karha na vahi ghau iara hi te mala tughuni mae kmagu te mala king na. Eghuteuna mana nhaꞌa chekehi ka vikegu iara gne te mala king fabrahu na. Te chekeni iara ka iagho na, mae Adonaeja gne mala lehe gognaro gne.”

Ululahu Kings 2:45

Nu mana ginauna fablahi ghau iara King Solomon, eghuteuna mana ginauna na vavahi kaisei ka vikegna mae Devet mala king fabrahu.

Ululahu Kings 8:13

Nu gognarona iara la enihi nou famane Sugablahi iagho na, kaisei vido te mala au fabrahu iagho tagna.”

Ululahu Kings 8:15

Aonu mana ne cheke eghu, “Tahati cheke fakelini Lord, noda God tahati naiknoda Israel. Mana thofno leghuni unha teke nhaꞌa chekeni thegna ka mae kmagu iara King Devet.

Fapea Kings 21:4

Mana horo olta ka phei philegna nogna Sugablahi Lord na mala pogho soru ka nathunu. Nu Lord neke cheke eghu, “Nogu Sugablahi iara Jerusalem igne mala pogho soruni kolho Nanghagu iara na.”

Fapea Kronikols 33:4

Mana horo olta ka phei glalaba faligohoni nogna Sugablahi Lord. Mare edi olta igre mala tarai ka nathunu. Nu tifa na, Lord neke cheke eghu, “Nogu Sugablahi iara Jerusalem igne, vido mala tarai nei pogho soru ka iara.”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Fapea Samuel 22:51

“Mae teke vavahi Lord te mala king na, leuleghu fata na, mana togho ghau iara mala uludi mae naoka re. Mana neke vahi ghau iara mala king, eghuteuna mana ghatho tahu ghau fabrahu. Eghuteuna iagho ginauna eni fabrahu igne ka iheire nate karha mei ka vikegu iara gne.”

Fapea Kings 8:19

Nu Lord neke theome goigonidi naiknodi Juda, naugna mana neke eni kaisei nhaꞌa cheke ka nogna mae gloku, king Devet tifa. Mana neke nhaꞌa cheke keha ka vikegna mae Devet igre mala king fabrahu Juda, jateula kaisei juta eghu mala agha fabrahu.

Fapea Kings 21:7

Mana hata mumuju gna god Asera igne ne lilisei ka nogna Sugablahi Lord na. Nu Lord neke cheke eghuhi ka King Devet ghe mae thugna na, King Solomon, “Iara neke vahini Jerusalem ka nodi vido nabotho phei vikegna Israel mala babana haghe nogu Sugablahi na mala pogho soruni fabrahu mare Nanghagu Iara na.

Fapea Kronikols 6:16

“Lord, nomi God ghehati maemi Israel, tajini sagho fapea nou nhaꞌa cheke teke eni iagho ka nou mae gloku kmagu iara Devet. Iagho neke nhaꞌa cheke ka thugna mana re te mala king fabrahu Israel ginauna, eghu jame te thofno leghudi mare nou Vetula iagho re jateula mana teke leghu nigho iagho ra teuna.

Thoutonu Eigna Mae Job 36:7

God na theome filo kokodi iheire te doglo, eghuteuna mana fagnokro haghedi ka sape funei, eghuteuna fafnaknodi fabrahu.

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Jeremaea 33:17

Iara Lord. Te chekeni iara na, leuleghu fata na kaisei mae ka vikegna King Devet ginauna funei frunidi naiknodi Israel.

Profet Esikiel 37:25

Mare ginauna au ka namono teke tusu lao iara tifa ka kuꞌedi mare Jekop, nogu mae gloku iara ia. Igne namono teke au tagna kuꞌedi mare tifara. Ginauna mare balu thudi nei iheire nate karha mei ke leghudi mare re teu igre ginauna au fabrahu ka namono igne. Eghuteuna king ka vikegna King Devet igne ginauna funei frunidi mare tifa tifa.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Sekaraea 6:12

Eghuteuna iagho cheke ka mana eigna Lord mae ihei te au nolaghi fateote'o igne neke cheke eghu, ‘Fanomho mei! Mae ihei te kiloni nanghagna na Grege igne ginauna biꞌo haghe nei nheta eghu. Mae igne ginauna nake babana fapuloi nogu Sugablahi iara na,