Fapea Samuel 7:12 - Buka Blahi Ka Cheke Holo

¹² Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Fapea Samuel 7:12 ပူးပေါင်းရင်းမြစ်များ

Mae Khuru 2:30

Nu mae Devet gne neke kaisei mae profet, eghuteuna mana laseni u nhaꞌa cheke teke eni God ka mana nate mala kaisei mae ka vikegna thegna mala kegra funei biꞌo jateula mana eghu.

Ululahu Kings 8:20

“Eghume, u nhaꞌa cheke teke eni Lord igne la thoke mei tutuani fara gognarona. Iara tughuni kmagu mala king gna Israel, eghuteuna iara horo nogna Sugablahi mana igne mala pogho soruni tahati Nanghagna Lord noda God tahati naiknoda Israel.

Ululahu Kings 2:1

Kate namo lehe na, mae Devet ne cheke eghu ka mae Solomon, mae thugna na,

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Ululahu Kronikols 17:11

Kate lehe iagho na, mare na giugilu nigho iagho baludi kuꞌemu ra, eghuteuna iara ginauna vahini kaisei mae thumu iagho mala ke king tughu nigho iagho. Eghuteuna iara ginauna toghoni mana mala kegra heta fabrahu.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Ululahu Tesalonika 4:14

Tahati fatutuani ni mae Jisas neke lehe eghuteuna ke karha fapulo. Eghume, tahati jaola fatutuani narane ke pulo meigna mae Jisas, God ginauna hata fodu balugna mae Jisas naikno khiloau teke lehe ra.

Ululahu Korin 15:51

Iara magnahaghei te chekeni kaisei glepo teke poru tifa ia. Tahati ginauna theome kafe lehe, nu tahati na karhau ngala kate nomhini naogla gna khufli ka narane leghu lahu na, tahati te gnafa na ginauna ghosei tughu ngala jateula nakafli eghu. Uve, kate tanhi gna khufli na, naikno teke lehehira ginauna nake ghosei karha fapulo mala karha fabrahu tifa tifa. Eghuteuna tahati te karha nga teugre mala jaola e tughu.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Ululahu Kings 1:21

Jame te theome cheke iagho ka mare gognarogne na, kate lehe iagho na, mare ginauna filo ka ghepa Solomon na jateula naikno te diꞌa ra eghu kolho, eghuteuna mare ginauna falehe ghami ghepa.”

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Nodi Khoje Hatimare Mae Jiu 89:29

Leuleghu fata na kaisei mae ka vikegna mana na ngala te mala mae king na, eghuteuna iara ginauna kaisei mae king ka vikegna mana igne ginauna funei frunidi fabrahu naiknogna Israel jateula maloa te au fabrahu te theome gnafa kligna ana eghu.

Jenesis 15:4

Lord ne cheke eghu ka mae Ebram, “Mae Eliesa, nou mae gloku iagho igne, ginauna theome hata nou glepo iagho re. Iagho ginauna na au kaisei mae thofno thumu, eghuteuna mae thumu iagho tuana ginauna tughu nigho iagho mala ke khotodi nou glepo iagho re.”

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Luku 1:32

Mana ginauna na kaisei mae funei biꞌo nei mare na kiloni mana ‘Thugna God mae te nolaghi te au kligna.’ Noda Lord God ginauna na tusu ranghini mana sapegna funei na mala jateula mae ku'egna King Devet eghu.

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.

Ululahu Kings 1:48

Eghuteuna mana ne cheke eghu, ‘Lord, nodi God mae Israel, iara cheke fakeli nigho, naugna gognarogne, iagho snakre ghau iara te filoni kaisei mae thugu iara te kegra tughu ghau ka sapegna king.’ ”

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Ululahu Kings 5:5

Eghume, gognarona iara magnahaghei te babana kaisei Sugablahi te mala kilo fnaknoni nanghagna Lord nogu God, jateula Lord teke chekeni mana ka mae kmagu iara Devet. Lord neke cheke eghu ka mana, ‘Mae thumu iagho mae ihei nate gnokro ka sape nafnakno te mala tughu nigho iagho igne ginauna babana Sugablahi te mala kilo fnaknoni nanghagu iara na.’

Ululahu Kings 8:15

Aonu mana ne cheke eghu, “Tahati cheke fakelini Lord, noda God tahati naiknoda Israel. Mana thofno leghuni unha teke nhaꞌa chekeni thegna ka mae kmagu iara King Devet.

Ululahu Kings 8:19

nu iagho ginauna na theome tangomana nate horo Sugablahi igne. Kaisei mae thumu iagho ginauna nate horo Sugablahi igne mala mei naiknore cheke fakelini Nanghagu iara na.’

Ululahu Kings 9:5

Jame te edi iagho gobigna lepo igre, iara ginauna eni unha teke nhaꞌa chekeni iara ka mae kmamu iagho ia. Tutuani fara, iara neke chekeni fabrahu ka mana te keha mae ka vikegna mana igne ginauna king gna Israel.

Fapea Kings 8:19

Nu Lord neke theome goigonidi naiknodi Juda, naugna mana neke eni kaisei nhaꞌa cheke ka nogna mae gloku, king Devet tifa. Mana neke nhaꞌa cheke keha ka vikegna mae Devet igre mala king fabrahu Juda, jateula kaisei juta eghu mala agha fabrahu.

Fapea Kronikols 13:5

Lord noda God tahati maeda Israel, mana neke eni kaisei nhaꞌa cheke balugna King Devet nei vikegna te mala theome tangomana kaisei naikno te lopini. Te chekeni ka nhaꞌa cheke igne na, Devet nei thugna mana re eghu te au nodi nolaghi te mala king fruni Israel fabrahu na. Ba, ghotilo theome laseni igne?

Fapea Kronikols 21:7

Nu neuba, Lord theome magnahaghei te goigoni ni vikegna King Devet, naugna tifa na mana neke eni kaisei nhaꞌa cheke balugna King Devet. Te chekeni ka nhaꞌa cheke igne na, kaisei ka vikegna Devet igne te mala king fabrahu Juda, mala jateula kaisei juta eghu phae fabrahu.

Fapea Kronikols 23:3

Eghuteuna mare ne khapru ka nogna Sugablahi God na ne eni kaisei nhaꞌa cheke balugna King Joas. Pris Jehoada ne cheke eghu ka mare, “Thugna king te mala king na! Tuana unha teke nhaꞌa chekeni Lord eigna vikegna King Devet.

Fapea Samuel 22:51

“Mae teke vavahi Lord te mala king na, leuleghu fata na, mana togho ghau iara mala uludi mae naoka re. Mana neke vahi ghau iara mala king, eghuteuna mana ghatho tahu ghau fabrahu. Eghuteuna iagho ginauna eni fabrahu igne ka iheire nate karha mei ka vikegu iara gne.”

Ululahu Kings 2:10

Aonu kate lehe mae Devet na, mare ne giugiluni mana Jerusalem.

Fapea Kronikols 6:9

nu iagho ginauna theome tangomana nate horo Sugablahi igne. Thumu iagho na ginauna horo Sugablahi te mala fafnaknoni nanghagu iara na.’

Fapea Kronikols 6:15

Kmagu iara King Devet ia, nou mae gloku iagho ia, iagho neke edihi unha teke nhaꞌa chekedi iagho ka mana ra. Gognarona, nou cheke iagho ra la thoke mei tutuani fara.

Profet Jeremaea 33:17

Iara Lord. Te chekeni iara na, leuleghu fata na kaisei mae ka vikegna King Devet ginauna funei frunidi naiknodi Israel.