Fapea Samuel 7:10 - Buka Blahi Ka Cheke Holo

¹⁰ Tifa na iara neke snakre lao kaisei vido glose ka nogu naikno iara Israel ra mala au tagna. Eghuteuna namono igne theo kaisei naikno nate goigoni ni na jateula teke edi mare ulu lahura eghu.

Fapea Samuel 7:10 ပူးပေါင်းရင်းမြစ်များ

Profet Emos 9:15

Na jateula tuana eghu iara ginauna nake lisei fapulo nogu naiknore ka kantri teke tusu lao iara ka mare tifa ra, jateula mae te joꞌu gano ka nogna thobi naia eghu, eghuteuna ginauna na theo kaisei naikno nate tangomana ni na teke hata fadelei naiknore ka namono igne.” Igne nogna cheke Lord, nomi God ghotilo.

Ululahu Kronikols 17:9

Iara neke vahinihi kaisei vido glose malami ghotilo nogu naikno iara Israel ra, eghuteuna iara magnahaghei ghami ghotilo te au fakeli ka vido glose igne. Eghuteuna ginauna theo kaisei naikno te diꞌa nate mei te goigoni ghami ghotilo jateula teke edi mare tifa ra teuna. Funu ka narane teke hata kuꞌedara vido glose igne nei ka naranedi hatimare mae funei teke vavahi iara ra teuna, hatimare mae naoka neke mei goigoni ghami ghotilo. Nu gognarona iara na togho ghami ghotilo mala au kmu naugna iara la uludihi nomi naoka ghotilo re. “ ‘Eghuteuna te chekeni iara ka ghotilo na, iara ginauna vahini koba kaisei mae ka vikemi ghotilo gne te mala nomi king ghotilo na.

Profet Jeremaea 24:6

Iara ginauna fablahidi nei reireghi fakelidi eghu. Eghuteuna iara ginauna nake atha fapulodi agne Juda mala ke au fakeli. Iara jateula kaisei mae te babana suga te maku te theome tangomana te groꞌe, ba jateula kaisei nagare te theome krathu ra eghu.

Profet Isaia 60:18

Ghotilo ginauna na theome nomhini naogla gna magra na ke lamnagna nomi kantri ghotilo igne. Eghuteuna hatimare mae naoka na theome tangomana te mei goigoni nomi namono ghotilo igne. Iara ginauna reireghi ghami ghotilo, nei bara ghami eghu ghotilo, jateula bara thina te ringni ligoho ghami ghotilo igne eghu. Eghuteuna ka narane tuana, ghotilo ginauna cheke fakeli ghau iara, naugna iara neke fakarhi ghami ghotilo.

Profet Esikiel 28:24

Lord neke cheke eghu, “Naiknodi kantri te namo Israel te theome gnafa te susukuni mana na, mare jateula gnarho fachuchuru te fakabru naiknora eghu. Nu ginauna na theo kaisei ka mare nate mei te falehedi naiknodi Israel igre. Naugna igne, mare ginauna thofno laseni te iara Lord God.”

Nodi Khoje Hatimare Mae Jiu 80:8

Iagho neke atha fajifla ghami Ijep, eghuteuna iagho neke ngolhi fajifladi naiknodi keha kantri are. Aonu gognaro na iagho snakre ghami ghehati mala khotogna nodi namono mare Kenan.

Profet Jeremaea 18:9

Eghuteuna keha fata iara jame cheke eigna te mala babana haghe kaisei vike ba kantri mala ke rheta fapulo.

Thakle 21:4

Mana ginauna ghiha koko kholo te gnafa ka tathadire. Jare ginauna theo kaisei naikno tangomana teke lehe na, ba teke diꞌanagnafa na ba teke tanhi na ba teke papara na. Naugna glepo te gnafa tifa re la theohi.”

Profet Hosia 2:18

Ka narane tuana, iara ginauna na eni kaisei nhaꞌa cheke baludi bosu, buluka, nanghaji, nei mogo teu igre mala thosei mei goigonidi nogu naikno iara igre. Eghuteuna iara ginauna hata fadelei naflahi, phaloho, nei thua nafnata glepo te mala magra are mala au mare kau pharikeli ka nauthoglu igne.

Eksodas 15:17

Iagho ginau na atha tei ghami ghehati mala au fakeli ghehati ka thogele teke vavahi iagho ia. Jare nate hohoro iagho nou suga na.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Profet Isaia 5:2

Mana dokha koko thina te au ka glose igne mala joꞌu grep. Mana horo kaisei suga mala toetoe mala reireghi vido igne. Mana eni kaisei vido ka thina mala poji sisi grep. Eghuteuna mana ginauna rouronu sisi te keli, nu sisi te diꞌa kolho te thakle mei na.

Nodi Khoje Hatimare Mae Jiu 44:4

Iagho nogu Lord nei nogu God eghu iara, iagho gognaro na toghodi nou naiknore mala nheta frunidi nodi naokare ka magra na.

Jajis 4:3

Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.

Ululahu Samuel 13:17

Aonu mae soldia di Filistia igre ne tufa ka thilo tothoghei. Thilo tothoghei igre ne tei tongana ka vido te gnafa ne goigoni nodi gobigna lepo naiknodi Israel. Kaisei tothoghei ne tei leghuni nabrou te tei thoke Ofra ka nohi ke raru Sual.

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Fapea Kings 21:8

Jame te leghudi ghotilo nogu cheke iara igre, nei tajidi nogna vetula mae nogu gloku iara mae Moses teke tusu ari iara ka kuꞌemi ghotilo tifa ra meuna, iara ginauna na theome snakredi keha naiknore mala khi fajifla ghami ka namono teke tusu ari iara ka kuꞌemi ghotilo ra.”

Fapea Kronikols 33:8

Eghuteuna jame te leghudi ghotilo nogu cheke iara gre, nei tajidi vetula teke tusu lao mae Moses ka kuꞌemi ghotilo tifa ra teuna. Iara ginauna theome snakredi keha naiknore mala khi fajifla ghami ghotilo ka kantri teke tusu lao iara ka kuꞌemi ghotilo ra.”

Nodi Khoje Hatimare Mae Jiu 44:2

Iagho neke khi fajifladi nei goigonidi neku naikno teke theome lase nighore mala ke au nou naikno themure ka vido aheva teke au mare na, mala au nodi kmana glepo nou naikno themure.

Nodi Khoje Hatimare Mae Jiu 80:9

Ke leghugna teke ngolhi fajifladi iagho naiknore ka keha kantri are, iagho neke snakre ghami ghehati mala au ka nodi namono mare re. Gognaro na la kmana fara la kafe au soru ka namono Kenan.

Profet Isaia 60:21

Ghotilo te gnafa na ginauna doglo fara ke ulugu iara, eghuteuna ghotilo ginauna khotogna fabrahu kantri igne. Iara neke lilisei ghami ghotilo ka namono igne, jateula gaju teke joꞌu iara ia eghu, eghuteuna naikno te gnafa igre ginauna cheke fakeli ghau iara eidi glepo te keli teke edi iara ra.