Fapea Samuel 6:22 - Buka Blahi Ka Cheke Holo

²² Iara ginauna faparini fara nanghagu na mala diꞌa pari lahu ka tathagu iara na. Nu gaꞌase gloku te chekedi iagho igre, rehati ginauna ghatho tahu ghau iara.”

Fapea Samuel 6:22 ပူးပေါင်းရင်းမြစ်များ

Ululahu Pita 4:14

Kate cheke fadiꞌa ghami naiknore naugna te leghuni ghotilo mae Kraes na, ghotilo keli tami kolho. Naugna mae Tharunga te Blahi na auhi balumi ghotilo. Mana neke mei funu ka God nei mana au nolaghi biꞌo.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Thoutonu Eigna Mae Job 40:4

“Iagho laseni, iara theome naba te cheke na. Unha nate chekeni iara ginauna? Iara ginauna fofotho foflogu na.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Nonomho Te Keli Teke Risoi Mae Mak 14:66

Mae Pita gnokro neu pari ka glalabagna suga na. Eghuteuna kaisei gaꞌase te loku ka mae pris biꞌo na ne mei.

Fapea Samuel 6:21

Nu mae Devet ne cheke eghu ka Mikal, “Iara prosa nei koje eghu mala kilo fnaknoni nanghagna Lord. Mana neke vahi ghau iara mala tughuni mae kmamu iagho ia, nei mae thugna mana ra eghu. Mana jaola neke vahi ghau iara mala nodi mae baubatu naiknodi Israel. Eghume, iara ginauna kilo fnaknoni Lord.

Fapea Samuel 6:23

Eghuteuna Mikal thugna mae Sol igne ne theo kaisei thugna ne ghilei lehe.

Nodi Khoje Hatimare Mae Jiu 131:1

Lord God, iara la liliseihi puhi fahaehaghera, nei jaola liliseihi te cheke fahaehaghera eghu. Iara na theome fariuriu edi unha te ninhigrana fara te mala edi iara re, nei mala lasedi unha te ninhigrana naba te mala lasedi iara re.