Fapea Samuel 6:20 - Buka Blahi Ka Cheke Holo

²⁰ Mae Devet neke pulo mei ka nogna suga na ne toreni God mala fablahini tharaknagna na. Mikal jifla mei kosi ka suga na ne thafoni mana ne cheke eghu, “Iagho king gna Israel! Nu ginei ia iagho eni kaisei glepo te theome nabagna nou nafnakno biꞌo iagho na. Iagho famamaja nigho themu te koko nou pohe nafnakno na te ragi tafri ke uludi nodi gaꞌase gloku nou mae nafnakno are. Iagho jateula fiti maera eghu kolho!”

Fapea Samuel 6:20 ပူးပေါင်းရင်းမြစ်များ

Fapea Samuel 6:16

Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Fapea Samuel 6:14

Ka narane igne mana ne fahaghe kaisei phoko blahi te kiloi mare efod, jateula mae pris neu ne ragi balu kilo fnaknoni Lord.

Jajis 9:4

Mare hata fitusalei silva seleni ka nogna Sugablahi god Baal-Beri igne ne tusu lao ka Abimelek. Aonu mana hata seleni igne ne foli ka keha mae te diꞌa mala mei loku fodu ka mana.

Nonomho Te Keli Teke Risoi Mae Mak 3:21

Kate nomhini thoutonu igne, keha thabusigna mae Jisas re ne mei mala tathaleini mana, naugna keha naiknore ne cheke eghu, “Mae Jisas na la ghilei noli tutuani.”

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Thoutonu Eigna Mae Job 30:8

Mae khuekuꞌe igre fameomekro nei theo kaisei nangha te keli. Naugna igne, naiknore puridi nei brue fajifladi ka namono.

Ululahu Kronikols 16:43

Kate edi te gnafa glepo igre, naiknore neke pulo ka sugadi re, eghuteuna mae King Devet neke pulo ka nogna suga biꞌo na ne fablahini tharaknagna na.

Fapea Samuel 6:18

Eghuteuna kate gnafa fafara igne, mana ne fablahidi naiknore ka nanghagna Lord mae ihei te au nolaghi fateote'o.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Jone 13:6

Mae Jisas ne mei ka mae Simon Pita. Nu mae Pita ne cheke eghu ka mana, “Lord, iagho na titihi ghahegu iara gre sia?”

Nonomho Te Keli Teke Risoi Mae Mak 14:66

Mae Pita gnokro neu pari ka glalabagna suga na. Eghuteuna kaisei gaꞌase te loku ka mae pris biꞌo na ne mei.

Ululahu Samuel 14:49

Thugna mae Sol re igre, mae Jonatan, mae Isvi nei mae Malkisua. Eghuteuna phei thugna gaꞌase mana re neke, Merab, ghe Mikal.

Fapea Samuel 6:19

Eghuteuna mae Devet ne tuatufa ka naiknore kaisei bret, kaisei vido nafnahi teke gahu ka khaꞌaghi, nei keha sisi grep te gata kaisei naikno neu ka naikno te gnafare. Kate hata te gnafa gano igre, mare ne kafe figri ka namonodire.

Eklesiasti 7:17

Eghuteuna iagho mala jaola thosei loku famaku ka puhi te leghudi thua nafnata puhi te diꞌa nei puhi fameomekro teu are. Naugna unha sagho te magnahaghei ghosei te lehe gnea?

Ululahu Samuel 18:20

Neuba, Mikal fapea thugna mae king igne ne magnahagheni mae Devet. Kate nomhini king igne, mana ne keli tagna fara.