Fapea Samuel 6:17 - Buka Blahi Ka Cheke Holo

¹⁷ Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Fapea Samuel 6:17 ပူးပေါင်းရင်းမြစ်များ

Fapea Kronikols 1:4

Nu nogna Bokis Nhaꞌa Cheke God na auhi Jerusalem ka kaisei suga tapuale teke nhaꞌa haghe King Devet. Tifa na mae Devet neke tei hata Bokis Nhaꞌa Cheke igne ka namono Kiriat-Jaerim neke tei lilisei ka suga tapuale igne Jerusalem.

Ululahu Kronikols 15:1

King Devet ne edi nogna sugare Jerusalem. Eghuteuna mana jaola ne tarabana kaisei vido te mala eni kaisei suga tapuale te mala lilisei gna nogna Bokis Blahi God na.

Nodi Khoje Hatimare Mae Jiu 132:8

Lord God, Sugablahi igne te mala aumu iagho na. Mei sagho au fabrahu agne balugna Bokis Blahi te falalase ni nou nolaghi biꞌo iagho na.

Ululahu Kings 8:5

Aonu King Solomon baludi naiknodi Israel ne khapru ke ulugna Bokis Blahi igne, eghuteuna mare ne edi kmana fafara ka sipu, nei buluka. Eghuteuna theo kaisei naikno tangomana te kahadi sipu nei buluka teu igre naugna kaputudi glepo biꞌo fara.

Fapea Kronikols 5:6

Eghuteuna King Solomon baludi goro mae biꞌodi Israel re ne kafe khapru mei ke ulugna Bokis Blahi igne, eghuteuna mare ne edi kmana fafara ka sipu nei buluka eghu te theome tangomana kaisei naikno te kahadi re.

Ululahu Kronikols 16:1

Aonu mare ne lilisei Bokis Nhaꞌa Cheke igne ka suga tapuale teke enihi mae Devet igne. Mare ne falehe buluka nei sipu eghu mala fafara ka Lord. Kehare gahu knoro fara ka khaꞌaghi, eghuteuna kehare fafara mala au fakeli balugna God.

Levitikas 3:9

Fafara igne te mala lase ni au fakeli balugu iara, mae igne mala atha mei garofagna sipu igne, garofa ka gleghugna te vahe fadelei ka thagrugna sipu igne, nei garofa lamna ka thiꞌagna na, phei chauchau balu garofadi, nei vido keli ka khebugna na. Aonu mae pris igne gahu glepo igre ke kligna olta mala blahi gano igre.

Ululahu Kronikols 6:31

Kate hata te mei mae King Devet Bokis Blahi na Jerusalem igne, mana ne vavahi thilo mae mala hulu khoje ka vido blahi na.

Ululahu Kronikols 15:3

Eghuteuna mae Devet ne kilo fodudi hatimare maedi Israel Jerusalem mala ke tei pala fapulo nogna Bokis Blahi Lord igne mala lilisei ka vido aheva teke tarabanahi mare na.