Fapea Samuel 6:16 - Buka Blahi Ka Cheke Holo

¹⁶ Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Fapea Samuel 6:16 ပူးပေါင်းရင်းမြစ်များ

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.

Ululahu Kronikols 15:29

Kate pala te mei mare ke lamnagna nogna namono biꞌo King Devet nogna Bokis Blahi Lord igne na, khetogna mae Devet Mikal thugna gaꞌase mae Sol igne ne filo mei ka widagna suga biꞌo na. Naꞌa ne filoni king te glealeꞌa balu ragi te koje nei ghasa tafri teu te mala kilo fnaknoni nanghagna Lord. Aonu naꞌa ne tirogna fara te filoni nafnata puhi te eni mae Devet igne.

Nodi Khoje Hatimare Mae Jiu 69:7

Mare cheke fadiꞌa ghau nei famamaja ghau eghu iara, naugna iara ne pogho soru nigho iagho.

Mae Khuru 2:13

Nu keha naiknore ne maꞌedi mae khurure ne cheke eghu, “Mae igre koꞌu waen kolho.”

Fapea Samuel 3:14

Mae Devet kurudi keha mae ne tei cheke eghu ka mae Isboset, “Iagho kuru meini khetogu iara Mikal. Iara neke folini naꞌa ka kaisei gobi guli mamajadi maedi Filistia neke tolaghihi ka naꞌa.”

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Fapea Samuel 5:7

Nu neuba, mae Devet ne hata namono te bara te maku igne. Nanghagna namono igne Saion. Nu ginauna naiknore na kiloni, “Nogna namono mae Devet.”

Fapea Samuel 6:15

Aonu mae Devet nei naiknodi Israel, mare pala Bokis Blahi igne ne haghe Jerusalem. Mare gleale'a fara ne eha fabiꞌo balu kufli.

Fapea Samuel 6:20

Mae Devet neke pulo mei ka nogna suga na ne toreni God mala fablahini tharaknagna na. Mikal jifla mei kosi ka suga na ne thafoni mana ne cheke eghu, “Iagho king gna Israel! Nu ginei ia iagho eni kaisei glepo te theome nabagna nou nafnakno biꞌo iagho na. Iagho famamaja nigho themu te koko nou pohe nafnakno na te ragi tafri ke uludi nodi gaꞌase gloku nou mae nafnakno are. Iagho jateula fiti maera eghu kolho!”

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Ululahu Samuel 18:20

Neuba, Mikal fapea thugna mae king igne ne magnahagheni mae Devet. Kate nomhini king igne, mana ne keli tagna fara.

Nodi Khoje Hatimare Mae Jiu 123:3

Lord God, kokhoni mei ghau, naugna ghehati hongo ghami fara ka naikno te maꞌe ghami gre.