Fapea Samuel 6:12 - Buka Blahi Ka Cheke Holo

¹² Aonu mae Devet nomhini Lord te thofno fablahini tharaknagna mae Obed-Idom, nei nodi gobigna lepo fateote'o, naugna Bokis Blahi igne ne au ka suga gna mana. Aonu mae Devet tei ka suga gna mae Obed-Idom igne ne hata Bokis Blahi na ne tei Jerusalem. Eghuteuna mana baludi naiknore ne kafe gleale'a fara.

Fapea Samuel 6:12 ပူးပေါင်းရင်းမြစ်များ

Ululahu Kronikols 15:25

King Devet baludi hatimare mae funeidi Israel, nei hatimare mae komanda gna kaisei thogha soldia teu igre ne tei hata fajifla ka nogna suga mae Obed-Idom na nogna Bokis Nhaꞌa Cheke Lord igne pala ne tei balu glealeꞌa.

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Ululahu Kings 8:1

King Solomon ne kilo meidi hatimare mae biꞌo mala baubatu ka vikegna Israel, nei hatimare mae funeidi vike te gnafa, nei keha mae mala baubatu ka mare eghu ne kafe mei Jerusalem. Mana magnahaghedi mare mala mei Saion ka thofno namonogna King Devet na mala hata mei nogna Bokis Nhaꞌa Cheke Lord na mala pala mei ka Sugablahi na.

Fapea Samuel 5:7

Nu neuba, mae Devet ne hata namono te bara te maku igne. Nanghagna namono igne Saion. Nu ginauna naiknore na kiloni, “Nogna namono mae Devet.”

Fapea Kronikols 5:2

King Solomon ne kilo meidi mae mala baubatu ka vike te gnafa Israel, nei mae funei ka tharakna te gnafa, nei keha mae mala baubatu langau eghu mala kafe tei Jerusalem. Mare ne kafe tei Saion ne hata nogna Bokis Nhaꞌa Cheke Lord na pala ne haghe ka Sugablahi na. Ka narane igre keha nanghagna Jerusalem na Saion, ba “Nogna Namono Biꞌo King Devet.”

Ululahu Kings 8:3

Kate mei te gnafa mare na, mae pris re ne pala Bokis Blahi na,

Ululahu Kings 8:4

eghuteuna keha mae pris baludi keha mae Livaet pala ne tei Suga Tapuale te Blahi na baludi keha glepo blahi re. Mare pala ne tei glepo igre ka Sugagna Lord.

Ululahu Kronikols 15:15

Eghuteuna kate pala mae Livaet gre Bokis Blahi igne, mare ne thofno leghuni vetula te mala palagna Bokis na, jateula teke chekeni Lord ka mae Moses tifa ia neu. Mare pala ka phei gaju brahu ka fafradire pala ne tei Bokis Blahi igne.

Ululahu Kronikols 16:16

Nhaꞌa cheke teke kulu eni mana ka mae Ebraham igne, mana neke enila balugna mae Aesak, eghuteuna mana neke nhaꞌa cheke mala tajini nhaꞌa cheke igne.

Ululahu Kronikols 26:4

God neke fablahini mae Obed-Idom, eghuteuna mae Obed-Idom ne au kmana thugna nalhaꞌu. Igre nanghadi thugna mana re: Teke kulu karha ka mare na mae Semaea, eghuteuna mae Jehosabad, eghuteuna mae Joa, eghuteuna mae Saka, eghuteuna mae Natanel, eghuteuna mae Amiel, eghuteuna mae Isaka, eghuteuna mae Peuletae.