Fapea Samuel 5:9 - Buka Blahi Ka Cheke Holo

⁹ Aonu mae Devet ne gnokro soru ka namono te rheta igne ne kiloni nogna namono Devet. Mana ne fufunu horo suga ke klignagna vido teke fafofodu glose mare na.

Fapea Samuel 5:9 ပူးပေါင်းရင်းမြစ်များ

Ululahu Kings 9:24

Eghuteuna kate gnafa nogna suga biꞌo thugna gaꞌase king gna Ijep igne, mae Solomon ne hata fajiflani naꞌa ka nogna namono biꞌo mae Devet na mala tei au ka nogna suga na. Ke leghu igne mana ne fafodu glose ka kaisei vido rhegna thogele ke lamna Jerusalem.

Ululahu Kings 9:15

King Solomon ne huhurudi mare mala loku ka nogna Sugablahi Lord na, balugna nogna suga biꞌo thegna na. Mare fafodu glose ka gerigna thogele Jerusalem mala tangomana mare te horo suga jare na, eghuteuna mare jaola ne bara ne ligoho namono na ka thina. Eghuteuna mare ne horo thilo namono biꞌo, Haso, Megido nei Gesa.

Fapea Kronikols 32:5

Eghuteuna king neke horo fakeli bara thinagna namono biꞌo Jerusalem teke groꞌe na neke nanhaꞌa suga mala toetoe ke kligna gna. Eghuteuna ke kosigna bara thina igne, mare neke eni fapea bara thina na ne lithui ka namono igne. Eghuteuna mare ke jaola ke horo fakeli bara thina igne mala fafofodu glose ka vido te kiloi mare nogna Namono Biꞌo King Devet. Eghuteuna mana chekedi nogna mae glokure mala tarabana kmana glepo mala magra nei greoreo mala tafra jata.

Ululahu Kings 11:27

Igne thoutonu eigna mae Jeroboam te naokani King Solomon. Kaisei fata, king neke chekedi mae gloku re mala hata glose fafodu ka kaisei vido ka keha phile thogele Jerusalem mala horo suga ke kligna gna, eghuteuna mala ke babana fakeli baragna namono Jerusalem.

Fapea Samuel 5:7

Nu neuba, mae Devet ne hata namono te bara te maku igne. Nanghagna namono igne Saion. Nu ginauna naiknore na kiloni, “Nogna namono mae Devet.”

Ululahu Kronikols 11:8

Mana neke eni fabiꞌo namono igne. Mana neke fufunu ke maghati ka vido teke fafofodu glose mare igne. Ka narane igre, mae Joab neke fakekheli keha vidogna Jerusalem.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Jajis 9:6

Naiknodi Sekem igre nei naiknodi Bet-Milo igre ne kafe mei salofodu ka gaju blahi Sekem, eghuteuna mare ne vahini Abimelek mala nodi funei mare.

Fapea Samuel 5:8

Ka narane tuana, mae Devet ne cheke eghu ka nogna mae soldiare, “Jame te hata tahati namono igne ka vikegna mae Jebus igre na, tahati ginau tei ka khora te mala toho khoꞌu mare ana. Mala tei posa tahati ka nogu naoka iara mae te dofu nei blughu teu tuare. Iara theome magnahaghedi nafnata naikno tuare.” Mare ghathoni nogna cheke mae Devet igne ne cheke eghu, “Naikno te dofu nei blughu teure theome naba te tei ruma ka sugagna king.”

Fapea Kings 12:20

Mae Josabad thugna mae Simeata ghe mae Jehosabad thugna mae Soma, phei nogna mae biꞌo King Joas igre ne ghaoghatho mala faleheni mana. Aonu phiamare ne aknu faleheni mana Jerusalem ka vido teke fasasare mare rhegna nabrou te tei posa Sila. Mare ne giugiluni mana ka bekudi mae kuꞌegna re ka nogna namono biꞌo mae King Devet, eghuteuna thugna mana, mae Amasaea igne neke king tughuni mana.

Nodi Khoje Hatimare Mae Jiu 122:3

Namono biꞌo Jerusalem gne mare famane eni fara. Mare babana suga igre ke lamnagna namono biꞌo igne na, sugare thono fari namoi fara ka keha suga na.

Profet Isaia 29:1

Lord ne cheke eghu, “Kokhoni ghami fara ghotilo naikno te au Jerusalem ka namono gna King Devet ra! Leuleghu finogha na ghotilo eꞌei gaghamu biꞌo tagna.

Fapea Samuel 6:10

Aonu mae Devet ne tirogna te hata te mei Bokis Blahi igne ka nogna namono biꞌo Jerusalem. Aonu mare hata ne tei Bokis Blahi igne ne lilisei ka suga gna mae Obed-Idom maegna ka namono Gat.

Ululahu Kings 2:10

Aonu kate lehe mae Devet na, mare ne giugiluni mana Jerusalem.

Nehemaea 3:15

Mae Salum thugna mae Kolose, mae ihei te mae biꞌo ka nohi Mispa, mana neke babana fapulo Grengatha Glokha khoꞌu igne. Mana ghaghata ke kligna gna, eghuteuna famaku lao phei bobotho biꞌo, eghuteuna mare jaola lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igne. Mana jaola babana fapulo gringni thina lithuini Kholo Siloa, rhegna nogna nagare king. Eghuteuna mana loku keha vido ka gringni thina te tei posani lada biꞌo te soru funu ka nogna namono biꞌo King Devet tifa.