Fapea Samuel 5:3 - Buka Blahi Ka Cheke Holo

³ Aonu mae biꞌo te gnafa Israel igre ne kafe mei ka King Devet Hebron. Mana ne eni kaisei nhaꞌa cheke baludi mare ke ulugna Lord. Mare ne kaisei nodi gaoghatho ngala te mala king mae Devet ranghidi te gnafa na. Aonu mare ne tofa oel ka phaꞌugna mana na mala king gna Israel.

Fapea Samuel 5:3 ပူးပေါင်းရင်းမြစ်များ

Fapea Samuel 2:4

Aonu maedi Juda igre tei Hebron ne tofa oel ka phaꞌugna mae Devet na mala nodi king naiknodi Juda. Aonu mae Devet ne nomhidi naiknodi Jabes Gilead te giugilui thinigna King Sol.

Ululahu Samuel 23:18

Phiamare ne nhaꞌa cheke ka nanghagna Lord mala theome gnafa nodi fofodu na. Ke leghugna igne, mae Jonatan figri neke pulo ka namono, nu mae Devet ne au neu Hores.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Fapea Samuel 3:21

Ke leghu, mae Abna ne cheke eghu ka mae Devet, “Nogu funei nei nogu king, iara ginauna tei kilodi hatimare mae Israel. Mare te gnafa na ginauna eni kaisei nhaꞌa cheke ka iagho. Eghuteuna iagho mala nodi king mare leghuni unha te magnahagheni iagho na.” Eghuteuna mae Devet ne cheke ranghidi nogna mae soldiare mala thosei eni kaisei glepo te diꞌa ranghini mae Abna. Gnafa teuna mae Devet neke kuru fapuloni mae Abna.

Jajis 11:11

Aonu mana neke pulo baludi mare ka namono Mispa. Eghuteuna naiknodi Gilead igre ne fakegra funeini mana nei mae mala komanda ka armi. Eghuteuna ka narane igre, mana ne nhaꞌa cheke baludi mare ka tathagna Lord.

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Fapea Kronikols 23:16

Jehoada hata King Joas baludi naiknore mala nhaꞌa cheke leghuni nogna nhaꞌa cheke Lord, aonu mare ne nhaꞌa cheke mala au jateula nogna naikno Lord eghu kolho.

Ululahu Kronikols 11:3

Aonu, lida te gnafa Israel igre ne kafe mei Hebron, eghuteuna mae Devet ne eni kaisei nhaꞌa cheke ka mare ke ulugna Lord. Mare tofa oel ka phaꞌugna mana na, fagaglanagna te king gna Israel mana na, jateula teke chekeni Lord ka Profet Samuel tifa ia eghu.

Ululahu Samuel 11:15

Aonu mare ne kafe tei Gilgal, eghuteuna mare tei ne kegra ke ulugna Lord ka vido blahi na ne chekeni mae Sol ngala te nodi king mare na. Eghuteuna mare ne eni kaisei fafara ne ghamu fodu, fagaglanagna te au fakeli mare balugna Lord. Eghuteuna ka narane igne, King Sol nei naikno te gnafa Israel igre eghu ne eni kaisei gaghamu biꞌo, mare ghamu ne glealeꞌa fara.

Eksodas 3:16

“Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Josua 10:36

Ke leghugna igne, mae Josua balugna nogna armi na jifla Eglon ne tei Hebron. Mare magra jare,

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Ululahu Kronikols 11:1

Eghuteuna lida te gnafa ka vikegna Israel igre mei ne filoni King Devet Hebron. Eghuteuna mare ne cheke eghu ka mana, “Tahati te gnafa na, tahati kaisei thabusigna kolho.

Fapea Samuel 2:7

Eghume, ghotilo kegra heta fabrahu, thosei mhaghu. Tutuani, mae Sol nomi king ghotilo la lehehi. Eghuteuna naiknodi Juda igre neke vahi ghau iara mala nodi king mare.”

Ululahu Kronikols 28:4

“Neuba ngau, Lord noda God tahati maeda Israel neke vahi ghau iara nei vikegu teu iara igre ngala te mala king fruni ni Israel fabrahu tifa tifa. Iara ka vikegna Juda, God neke vahini Juda mala batudi keha vike are. Eghuteuna ka vikegna Juda mana neke vahini tharaknagna mae kmagu iara, eghuteuna ka tharakna igne mana neke magnahaghei ghau iara te mala king frunidi naikno te gnafa agne Israel.