Fapea Samuel 5:21 - Buka Blahi Ka Cheke Holo

²¹ Maedi Filistia igre rikha ne lisei faleghu nodi mumujure Baal Perasim. Aonu mae Devet baludi nogna soldia re hata mumuju igre ne tei baludi.

Fapea Samuel 5:21 ပူးပေါင်းရင်းမြစ်များ

Diutronomi 7:5

Eghume ghotilo mala roꞌe soru nodi olta nei mumuju thina, nei roꞌe soru mumuju gna gaꞌase god Astarot, eghuteuna ghotilo mala gnhubra nodi mumuju mare re.

Profet Jeremaea 43:12

Iara ginauna chekeni king mala gnubra nodi Sugablahi mumuju god mae Ijep. Eghuteuna mana ginauna atha tei mumuju igre ka nogna namono na. Mana ginauna na jaola goigoni Thina blahi te au ka namono Heliopolis. Eghuteuna mae king igne ginauna atha fajifla gobigna lepo gna Ijep, jateula mae greireghi sipu te atha koko theli ka nogna pohe na ia eghu. Ke leghu, mana na jifla ka kantri tuana, eghuteuna theo kaisei mae nate au teu jare te mala magra ka mana na.’ ”

Profet Isaia 37:19

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Profet Jeremaea 48:7

Ghotilo naiknomi Moab, leuleghu fata na ghotilo rouronu kolho ka nomi nanheta nei nomi dedei teu themire. Nu glepo igre ginauna theome togho ghami ghotilo. Mae naoka ginauna ulu ghami ghotilo, eghuteuna huhuru ghami ghotilo mala jifla ghotilo ka nomi namono na. Eghuteuna mare ginauna na jaola atha nomi mumuju god Kemos ghotilo ana, baludi mae pris nei nomi mae biꞌo teu ghotilo are.

Profet Daniel 11:8

Mana ginauna hata nodi mumuju god mare re, baludi keha glepo teke horo mare ka gol nei silva eghu teke fafara mare ka mumuju god igre, ne hata ne tei Ijep. Keha finogha, phei kantri igre ginauna na theome magra.