Fapea Samuel 5:13 - Buka Blahi Ka Cheke Holo

¹³ Kate jifla mae Devet Hebron te mei au Jerusalem igne, mana ne hata keha gaꞌase mala khetogna, eghuteuna kehare mala nogna gaꞌase gloku. Mana ne au kmana thugna nalhaꞌu nei gaꞌase ka khetogna igre.

Fapea Samuel 5:13 ပူးပေါင်းရင်းမြစ်များ

Ululahu Kronikols 3:9

Igre neke thugna mae Devet, nu kehare neke karha ka fapea khetogna mana re. Eghuteuna Tama greghadi na.

Diutronomi 17:17

Eghuteuna king igne theome mala hata kmana khetogna, naugna jame te hata kmana khetogna mana na, goro gaꞌase igre ginauna figri gaoghathogna mana na, eghuteuna mana ginauna na theome ghatho tahuni Lord. Eghuteuna mana theome mala dedei ka silva nei gol.

Fapea Samuel 5:12

Kate filoni King Devet igne, mana thofno laseni Lord neke vahini mana te mala nodi king mae Israel. Eghuteuna mana jaola laseni Lord te fakelini nogna kantri na, naugna Lord namhadi fara nogna naiknore.

Ululahu Kings 11:3

Mana ne tolaghi ka fitu gobi gaꞌase, gaꞌase igre thudi hatimare mae king, eghuteuna mana jaola au thilo gobi khetogna te loku ranghini mana. Eghuteuna gaꞌase igre hata fadelei gaoghathogna mana na mala figri tagruni Lord.

Ululahu Samuel 25:43

Mae Devet jaola ne tolaghi ka Ahinoam thaugna Jeseril. Repa ne kafe tolaghi ka mae Devet.

Fapea Samuel 12:2

Mae te dedei igne au nogna kmana buluka nei sipu.

Ululahu Kronikols 3:1

Igre thugna mae Devet teke karha ka namono Hebron: Mae ihei teke karha ulu lahu na mae Amnon, thugna Ahinoam thaugna Jesrel. Fapea na mae Daniel, thugna Abigel thaugna Kamel.