Fapea Samuel 5:12 - Buka Blahi Ka Cheke Holo

¹² Kate filoni King Devet igne, mana thofno laseni Lord neke vahini mana te mala nodi king mae Israel. Eghuteuna mana jaola laseni Lord te fakelini nogna kantri na, naugna Lord namhadi fara nogna naiknore.

Fapea Samuel 5:12 ပူးပေါင်းရင်းမြစ်များ

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Ululahu Kronikols 14:2

Eghuteuna kate filodi mae Devet glepo igre, mana laseni Lord teke vahini mana te mala king gna Israel. Eghuteuna mana jaola laseni Lord te fakelini nogna kantri na, naugna Lord ne namhadi fara nogna naiknore.

Profet Daniel 2:30

Glepo te poru igre God na la falalasehi ka iara. Theome eigna te lalase fara te salaꞌudi iara keha mae glalase igre. Nu mala laseni iagho gaoghathogna mifi igne, nei mala lase fakelidi iagho unha te au ka gaoghathomu iagho na.

Nogna Buka Esta 4:14

Jame te theome cheke iagho te kmu teu kolho ka narane te ninhigrana igre na, keha naiknoi ginau nate mei te mala togho ghita nei fakarhi ghita. Nu iagho baludi tharaknamure ginauna lehe. Nu tahati theome laseni, jau iagho mala Kuin kolho ka vido te ninhigrana igne jau?”

Fapea Kronikols 2:11

King Haeram ne nomhini nogna cheke mae Solomon igne neke riso fapulo eghu ka mana: “Naugna nou Lord iagho na namhadi fara nogna naiknore, eghume mana neke vahi nigho iagho mala king frunidi nogna naiknore.

Fapea Samuel 5:11

Mae Hiram king gna Taea igne ne kurudi keha mae biꞌo ka gavman mala tei filoni king Devet. Mana jaola ne fatei gaju sida, keha mae mala loku ka suga, nei loku ka thina. Eghuteuna mare hata taba sida baludi mala horo nogna suga mae Devet.

Fapea Samuel 5:13

Kate jifla mae Devet Hebron te mei au Jerusalem igne, mana ne hata keha gaꞌase mala khetogna, eghuteuna kehare mala nogna gaꞌase gloku. Mana ne au kmana thugna nalhaꞌu nei gaꞌase ka khetogna igre.

Naba 24:7

Nakarhami ghotilore ginauna keli fara jateula naikno te au ghedi famane khoꞌu ra eghu, eghuteuna vikemi ghotilore ginauna nheta jateula gano te au kmana khoꞌu tadi te karha kelidi ra eghu. Nomi king ghotilo na ginauna uluni mae Agag, nodi king vikegna mae Amalek, eghuteuna mana ginauna funei frunidi kmana kantri.