Fapea Samuel 5:11 - Buka Blahi Ka Cheke Holo

¹¹ Mae Hiram king gna Taea igne ne kurudi keha mae biꞌo ka gavman mala tei filoni king Devet. Mana jaola ne fatei gaju sida, keha mae mala loku ka suga, nei loku ka thina. Eghuteuna mare hata taba sida baludi mala horo nogna suga mae Devet.

Fapea Samuel 5:11 ပူးပေါင်းရင်းမြစ်များ

Ululahu Kronikols 14:1

King Hiram maegna ka namono Taea, ne kurudi keha mae biꞌo mala tei filoni King Devet. Eghuteuna mana jaola fatei gaju sida, keha mae te lase kato thina, nei keha mae mala horo nogna suga King Devet. Eghuteuna mae igre mei ne horo kaisei nogna suga King Devet.

Ululahu Kings 5:18

Ka nafnata puhi igre, nodi mae gloku King Solomon ghe mae Hiram igre baludi mae gloku ka namono biꞌo Gebol tarabana thina nei thaba te mala lokugna nogna Sugablahi Lord.

Fapea Samuel 7:2

Ka narane igre mana ne cheke eghu ka mae profet Nata, “Iara gognarona au ka famane suga biꞌo te horo ka gaju sida, nu nogna Bokis Blahi God na au ka kaisei suga tapuale kolho.”

Fapea Samuel 5:12

Kate filoni King Devet igne, mana thofno laseni Lord neke vahini mana te mala nodi king mae Israel. Eghuteuna mana jaola laseni Lord te fakelini nogna kantri na, naugna Lord namhadi fara nogna naiknore.

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Profet Esikiel 26:2

“Maegna ka nauthoglu. Naiknogna namono Taea igre mare cheke eghu, ‘Gognarona mae naoka gre la paꞌe soru Jerusalem! Naugna ne thono diꞌa fara, naꞌa theome tangomana te fanogra ghami ghehati fei bisnis baludi keha kantri are! Gognarona, Taea ginauna tangomana te keli na eghuteuna au kmana glepo te keli!’ Eghuteuna mare glealeꞌa nei eha fabiꞌo eghu.

Josua 19:29

Fofota igne figri Rama, eghuteuna tei namo ka namono Taea, namono ringni te lithui ka thina. Fofota igne figri tei fei Hosa eghuteuna tei gnafa ka Thongna Mediterenian. Keha namono te au ke lamnagna rijon igne: Mahalab, nei Aksib,

Fapea Samuel 7:1

King Devet ne au ka suga biꞌo, eghuteuna Lord ne toghoni mana mala au blagna, naugna mana ne uludihi nogna naokare.

Ululahu Kings 5:15

Eghuteuna mae Solomon jaola hata nhanasalei thogha mae mala kato thina ka thogele ro. Eghuteuna fitusalei thogha mae mala pala.