Fapea Samuel 4:4 - Buka Blahi Ka Cheke Holo

⁴ Mae Jonatan thugna mae king Sol igne au kaisei thugna nalhaꞌu. Nanghagna na mae Mefiboset. Mana glima finogha gna kolho funu karhagna te mei nonomho funu Jesrel glehedi mae Sol ghe mae Jonatan. Gaꞌase te reireghini mana na papani mana ne rikha. Nu kate nanga nogna fara naꞌa te rikha na, mana uka ne klopa phei gahegnare. Aonu mana blughu ne theome tangomana te nonolo na.

Fapea Samuel 4:4 ပူးပေါင်းရင်းမြစ်များ

Fapea Samuel 9:3

Eghuteuna king ne ghusna eghu, “Kaisei mae ka thugna mae Sol ra au, ba theo? Jame te au teu kaisei ka mare na, iara magnahaghei te toghoni mana jateula teke nhaꞌa cheke iara ka God ia eghu.” Aonu mae Siba ne cheke eghu ka mae Devet, “Uve, kaisei thugna mae Jonatan na auꞌau, nu ghahegna na diꞌa eghu.”

Ululahu Kronikols 9:40

Mae Jonatan gne kmagna mae Merib-Baal, keha nanghagna na Mefiboset. Eghuteuna mae Merib-Baal gne kmagna mae Maeka.

Ululahu Kronikols 8:34

Mae Jonatan gne kmagna mae Merib-Baal, keha nanghagna na Mefiboset. Eghuteuna mae Merib-Baal gne kmagna mae Maeka.

Fapea Samuel 9:6

Mae Mefiboset gne thugna mae Jonatan, thugna mae Sol. Kate mei ka sugagna gna king na, mana pogho soru ke ulugna king Devet ne fafnaknoni mana. Aonu mae Devet ne ghusna eghu ka mana, “Iagho mae Mefiboset?” Mana ne cheke eghu, “Uve, iara nou mae gloku iagho.”

Ululahu Samuel 29:11

Aonu hamerane boibongi ka keha narane na, mae Devet baludi nogna mae soldiare neke figri Filistia, nu armi gna Filistia igne ne tei ka glogu Jesrel.

Ululahu Samuel 29:1

Aonu armi gna Filistia ne loku fodu ka namono Afek, eghuteuna hatimare mae Israel ne mei lisei haghe nodi suga tapuale rhegna glokha khoꞌu Jesrel.

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.

Fapea Samuel 9:13

Nu mae Mefiboset gne mana au fabrahu Jerusalem mala ima balugna king, naugna phei gahegna manare thono diꞌa fara.

Ululahu Kings 11:17

Nu mae Hadad gne kaisei mae sitei thugna king gna Idom, ka narane tuana mana neke rikha baludi keha nogna mae biꞌo kmagna mana re. Mare rikha ne tei Ijep.