Fapea Samuel 3:39 - Buka Blahi Ka Cheke Holo

³⁹ Tutuani, God neke vahi ghau iara mala king. Nu gognarona iara theo kaisei nogu nolaghi te mala ke tughu fapulo puhi te diꞌa teke eni phei thugna Seruia igre. Phiamae igre thono nheta fara. Eghume Lord gnala te laseni unha nate eni ka phia mae igre, eigna puhi te diꞌa te eni phiamare igne.”

Fapea Samuel 3:39 ပူးပေါင်းရင်းမြစ်များ

Nodi Khoje Hatimare Mae Jiu 101:8

Lord God, leuleghu narane na, iara na goigonidi fara naikno te diꞌa te au ka noda namono ghehati igne. Iara ginauna khi teidi iheire te edi puhi te diꞌa fara ka noda namono biꞌo tahati igne.

Nodi Khoje Hatimare Mae Jiu 28:4

Paradi sagho eidi unha teke edi nei leghudi teku mare re. Ke foli fapulodi sagho ka mare unha te nabagna u najafra teke eni mae te diꞌa gre.

Fapea Timoti 4:14

Mae Aleksada, mae ihei te lase hohoro glepo ka aean gne edi kmana glepo diꞌa ranghi ghau iara. Lord ginauna nake tughu fapulo unha teke edi mana ka iara re.

Letas Teke Riso Tei Mae Pol Ka Khiloau Rom 13:4

Naugna mae biꞌo ka gavman tuana nogna mae gloku God mala edi glepo te kelire ranghi ghami ghotilo. Nu jame te edi ghotilo glepo te diꞌare, ghotilo naba te mala mhaghuni mae biꞌo tuana, naugna mana theome mala fiti hata nolaghi kolho. Mana nogna mae gloku God, mana tangomana te paradi naikno te edi glepo te diꞌare mala falalaseni God te diꞌatagna ka mare.

Proveb 25:5

Hata koko mae te diꞌa te farirhiuni king ka puhi te diꞌare, eghuteuna king ginauna tangomana te eni kantri igne mala kaisei famane namono mala au.

Profet Isaia 7:4

Iagho cheke eghu ka mana, ‘King Ehas! Iagho thosei nanga nou nei mhaghu eghu! Iagho thosei snakreni gaoghathomu na mala glaꞌe soru. Fanomho mei sagho! Iagho thosei mhaghudi phei mae king tuare. Diꞌatadi phiamare ka iagho tuana jateula gagahudi phei nakrono te namo lehe ra eghu kolho.

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Nodi Khoje Hatimare Mae Jiu 75:10

Mana ginauna roꞌe soru nodi nolaghi naikno te diꞌare, nu mana ginauna tusu lao nolaghi ka naikno te doglore.

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Ululahu Kronikols 22:5

Kani theome lehe nga teku King Devet na, mana neke tarabana kmana thua nafnata glepo te mala horogna nogna Sugablahi Lord na. Mana neke cheke eghu, “Thugu iara Solomon gne, mana mae majaghani fara eghuteuna mana theome laseni te famane horo suga na. Nu iara magnahagheni mae thugu iara Solomon ginauna famane horo fakeli nogna Sugablahi Lord na. Eghuteuna naikno te gnafa ka nauthoglu igne ginauna kelitadi ni fara suga igne na tusu lao nafnakno biꞌo ka suga igne. Eghume iara na tarabana nogna glepo mae Solomon malagna suga igne.”

Fapea Samuel 19:13

Eghuteuna mana jaola ne cheke ka phia mare mala tei cheke eghu ka mae Amasa, “Iagho mae thabusigu iara. Iara ginauna vahi nigho iagho mala tughuni mae Joab mala kaisei mae komanda biꞌo ka nogu armi iara gne. Jame te theome eni iara igne na, God ginauna para ghau iara.”

Eksodas 21:12

Lord ne cheke eghu, “Jame kaisei mae tuti fadiꞌani nei faleheni eghu keha mae na, ghotilo jaola aknu faleleheni mana.

Fapea Samuel 3:38

Eghuteuna mae Devet ne cheke eghu ka nogna mae funeire, “Ghotilo laseni kaisei noda mae lida biꞌo tahati la lehe agne Israel.

Fapea Samuel 16:10

Nu mae Devet ne cheke eghu ka phei mae thabusigna igre, mae Abisae ghe mae Joab, “Ghopa thosei nanga nomi ka puhi igne! Jame te cheke Lord ka mana mala cheke fadiꞌa ghau iara tekuna, ihei gne te au nogna nolaghi te mala lhotini mana na? Theo kolho.”

Fapea Samuel 19:22

Nu mae Devet ne cheke eghu ka phia mae thabusigna igre, mae Abisae ghe mae Joab, “Ghopa theo nomi puhi ka igne. Gognarona ghopa kegra fothini nogu gaoghatho iara na. Iara king gna Israel gognarona. Eghume te chekeni iara ka ghopa na, theo kaisei naikno na teke lehei Israel gognarona.”

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Ululahu Kronikols 29:1

Eghuteuna King Devet ne cheke eghu ka naikno te kafe khapru mei ka mana re, “Lord neke vahini mae thugu iara Solomon mala king nei mala horo nogna Sugablahi mana na. Mana kaisei mae majaghani fara, eghuteuna mana neke theome eni kaisei gloku biꞌo jateula igne teku tifa na. Nu gloku gna Sugablahi igne ginauna biꞌo fara, naugna Sugablahi igne theome nogna suga naikno, nu nogna suga thegna God.

Fapea Kronikols 13:7

Eghuteuna ke leghu, keha mae te diꞌa ne loku fodu ka mae Jeroboam ne fadiꞌani King Rehoboam thugna King Solomon. Ka narane tuare, King Rehoboam mana mae majaghani theome au tagna gaoghatho te keli, nei theome au nolaghi te kegra fothidi mare na.

Profet Jeremaea 38:5

King ne cheke eghu ka mare, “Uve, mae Jeremaea gne gognarona au ka khamemi ghotilo. Ghotilo athani mana, eghuteuna ghotilo tangomana te eni unha te magnahagheni ghotilo ka mana na. Iara theome tangomana te chekeni kaisei glepo ka ghotilo na.”

Profet Daniel 6:16

Aonu King Darius ne chekedi mare mala hata meini mae Daniel mala koko soru lamna khora lion. Kate koko soruni mae Daniel mare lamna khora lion na, mae king ne eha eghu tei ka mae Daniel, “Ghema Daniel, God mae ihei te fatutuani ni nei pogho soruni teu iagho igne na mei fakarhi nigho iagho.”

Naba 32:23

“Nu jame te theome edi ghotilo na, ghotilo jateula te eni puhi te diꞌa ranghini Lord eghu. Eghuteuna ghotilo jaola thofno laseni eigna Lord te ginau para ghami ka puhi te diꞌa te edi ghotilo re.

Jajis 9:57

Eghuteuna naiknodi Sekem igre papara eidi glepo te diꞌa teke edi mare re, naugna igne, God ei puhi biꞌo mala thokedi mare. Eghume nogna thibri Jotam thugna Jerub-Baal igne ne thoke mei tutuani.

Ululahu Kings 2:9

Nu gognarona iagho parani mana. Naugna iagho kaisei mae glalase fara. Eghume iagho laseni ka unha puhi nate leghuni iagho te mala faleheni mana na.”

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.