Fapea Samuel 3:34 - Buka Blahi Ka Cheke Holo

³⁴ Mare neke theome haru khamemu nei gahemu teu iaghore. Nu iagho neke lehe ka khamedi mae te diꞌa.” Kate koje te gnafa mae Devet khoje igne na, naiknore kafe tanhi ne gnafa eigna mae Abna.

Fapea Samuel 3:34 ပူးပေါင်းရင်းမြစ်များ

Profet Hosia 6:9

Mae pris igre jateula mae mala blau ra eghu poru tafri ka geri nabrou te tei thoke ka namono biꞌo Sekem mala falehe naikno. Mare edi kmana nafnata puhi te diꞌa igre, nu mare theome magnahaghei te falalase puhi te diꞌa te edi thedire.

Thoutonu Eigna Mae Job 24:14

Mae te aknu poru igre kegra haghe hamerane boibongi, mala jifla aknu falehedi iheire te kuma. Uve, mare jifla bongiro mala blau.

Fapea Samuel 1:12

Mare thofno diꞌa nagnafadi fara ne tanhidi mae Sol ghe mae Jonatan, nei nogna naikno Lord nei naiknodi Israel te lehe baludi phiamare ka magra igne. Mare diꞌanagnafa ne theome ghamu ne ghilei rafi narane thongana tuana.

Jajis 16:21

Aonu maedi Filistia igre mei ne lokini mana ne bilo koko phei tathagna mana re. Mare ne hata tei mana Gasa. Ka namono igne, mare ne haruni mana ka chen biꞌo teke horo ka bras, nei liseini mana ka suga sosolo. Eghuteuna nogna gloku mana na mala figri thina biꞌo mala ghorhu wit mala ei flaoa.

Fapea Samuel 3:33

King Devet ne koje kaisei khoje diꞌanagnafa eigna mae Abna: “Ghema Abna! Naugna unha sagho te lehe jateula kaisei mae te diꞌa teu gnea?

Fapea Samuel 3:35

Ka narane igne naiknore toreni king mala ghamu. Nu mana tirogna ne nhaꞌa cheke eghu, “Iara ginauna na tirogu ghamu bret, ba kaisei glepo ghilei plulu naprai! Nu jame theome plulu teu naprai na te ghamu iara na, God ginauna falehe ghau iara.”

Profet Esikiel 32:16

“Gaꞌasedi keha kantri igre ginauna tanhi nei paopado fabiꞌo eigna Ijep nei naikno te gnafa. Igne nogna cheke Lord God.”