Fapea Samuel 3:29 - Buka Blahi Ka Cheke Holo

²⁹ Papara eigna glepo igne mala thokeni mae Joab, nei vikegna kmagna mana re eghu kolho. Puhi biꞌo igne ginauna thokedi fabrahu iheire nate karha mei ka vikegna mae Joab igre: Keha ginauna au khabru diꞌa ka mamajadi mae nalhaꞌure, keha ginauna leprosi, keha ginauna blughu, keha ginauna lehe ka magra, eghuteuna keha ginauna theome naba gano te mala ghamu na.”

Fapea Samuel 3:29 ပူးပေါင်းရင်းမြစ်များ

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Mae Khuru 28:4

Kate filoni phanaga te piri ghuali ka khamegna mae Pol na, naiknogna moumolu na ne cheke eghu fari thedi, “Tore! Mae igne jame kaisei mae mala faghoreho naikno signe! Neubane ne rikha ngau mana ka nhorora na ne karha ne mei thoke agne, nu god mae te kiloi ‘Foli Fapulo’ na theome snakreni mana te karha na.”

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kings 5:1

Mae Naman gne kaisei komanda ka armi gna Siria. Eghuteuna king gna Siria igne thofno magnahagheni nei keli tagnani eghu mae Naman. Naugna Lord neke toghoni mana mala tangomana armi gna Siria te uludi magra re. Mana kaisei mae soldia keli tutuani fara, nu mana au tagna kaisei fogra te diꞌa te kiloi leprosi ka thinigna na.

Jajis 9:24

God neke eni igne naugna funei igne neke aknu falehe fitusalei thabusigna mana thugna Jerub-Baal eghuteuna naiknodi Sekem igre ne leghuni mana, aonu God ne kafe paradi mare eigna igne.

Levitikas 15:2

mala cheke ranghidi naiknodi Israel. Mana ne cheke eghu, “Jame kaisei mae au tagna fogra te jifla mei glotho ka mamaja gna na, glotho igne theome klino ka tathagu iara na.

Diutronomi 21:6

Aonu mae lida te gnafa ka namono tuana mare ginauna titihi khamedi re ke kligna gna buluka tela aknu falehehi igne.

Fapea Samuel 3:28

Ke leghu, kate nomhini igne mae Devet ne cheke eghu, “Lord na laseni glehegna mae Abna, thugna mae Ner igne theome nakhibogu iara, nei nakhibodi nogu naikno iara igre eghu.

Fapea Samuel 16:8

Gognarona Lord para nigho iagho, naugna iagho neke aknu falehe kmana naikno ka tharaknagna mae king Sol ka narane teke hata kasa iagho sapegna mana te king iagho gne! Eghume, gognarona Lord la fapari nigho iaghohi, eghuteuna mana la vahinihi mae thumu iagho, mae Absalom mala king tughu nigho iagho! Iagho mae mala falehe naikno, gognarona puhi biꞌo thoke nigho iagho!”

Naba 35:33

“Ghotilo laseni hila, mae aknu poru na tangomana te goigonini nomi namono ghotilo na. Eghume ghotilo thosei lisadi keha mae are mala goigonini nomi namono ghotilo na. Ghotilo mala faleheni kolho mae te khuru falehe naikno fara tuana, mala ke keli nomi namono ghotilo na.

Nodi Khoje Hatimare Mae Jiu 7:17

God na eni koba unha te doglo na, eghuteuna iara na cheke fakelini mana. Iara ginauna na koje ranghini Lord ka maloa kligna mala pala hagheni nanghagna mana na.