Fapea Samuel 3:12 - Buka Blahi Ka Cheke Holo

¹² Mae Abna kurudi keha mae mala tei cheke eghu ka mae Devet, “Mae ihei na te funei frunini kantri igne? Jame te eni iagho kaisei nhaꞌa cheke ka iara na, iara ginauna togho nigho mala hata mei naikno te gnafa ka kantri Israel mala nou naikno iagho.”

Fapea Samuel 3:12 ပူးပေါင်းရင်းမြစ်များ

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Fapea Samuel 19:41

Mae Devet tei ne au Gilgal, eghuteuna keha mae di Israel mei ne cheke eghu ka mana, “Naugna unha si kherami ghehati maedi Juda igre te theome facheke ka ghehati te hata nigho iagho, nei nou naikno iagho igre teu te mei kasa ka khoꞌu Jordan gnea?”

Fapea Samuel 19:14

Aonu nogna cheke mae Devet igre ne doglo ka gaoghathodi naiknodi Juda igre ne kaisei gaoghatho te mala toghoni mana na. Eghuteuna mare ne fatei cheke ka mana nei ka nogna naikno manare eghu mala ke pulo mei Jerusalem.

Fapea Samuel 19:6

Iagho thofno famamajadi fara mare, naugna iagho ne namhadi fara iheire te theome namha nighore, eghuteuna iagho tirou namhadi iheire te namha nighore. Puhimu iagho igne fakakhana ka ghehati nou mae komanda, nei nou mae soldia teu igre mare theo nafudi kolho ka gaoghathomu iagho na. Te laseni iara na, jame karha teu mae Absalom te kafe lehe ghehati na, iagho ginauna na keli tamu fara kolho.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Fapea Samuel 3:21

Ke leghu, mae Abna ne cheke eghu ka mae Devet, “Nogu funei nei nogu king, iara ginauna tei kilodi hatimare mae Israel. Mare te gnafa na ginauna eni kaisei nhaꞌa cheke ka iagho. Eghuteuna iagho mala nodi king mare leghuni unha te magnahagheni iagho na.” Eghuteuna mae Devet ne cheke ranghidi nogna mae soldiare mala thosei eni kaisei glepo te diꞌa ranghini mae Abna. Gnafa teuna mae Devet neke kuru fapuloni mae Abna.

Fapea Samuel 3:11

Aonu mae Isboset ne mhaghuni mae Abna ne theome ghagri kaisei cheke.

Fapea Samuel 3:13

Aonu mae Devet ne cheke eghu ka mare, “Thofno keli fara. Ghotilo tei cheke ka mana, iara gleale'a fara te nhaꞌa cheke balugna mana na. Nu kaisei glepo kolho te mala eni mana na. Jame te mala mei filo ghau iara teu mana na, mana hata mei balugna Mikal thugna gaꞌase mae Sol ia ka iara.”

Fapea Samuel 3:38

Eghuteuna mae Devet ne cheke eghu ka nogna mae funeire, “Ghotilo laseni kaisei noda mae lida biꞌo tahati la lehe agne Israel.