Fapea Samuel 24:7 - Buka Blahi Ka Cheke Holo

⁷ Eghuteuna mare salaꞌu ke mata namono Taea, namono igne bara maku ka thina. Ke leghu mare ne tei ka namono te au ka nodi vido glose mae Hivi, nei ka namono te au ka nodi vido glose naiknodi Kenan. Eghuteuna namono leghu lahu na, Bereseba ka nohi ke mata Juda.

Fapea Samuel 24:7 ပူးပေါင်းရင်းမြစ်များ

Josua 19:29

Fofota igne figri Rama, eghuteuna tei namo ka namono Taea, namono ringni te lithui ka thina. Fofota igne figri tei fei Hosa eghuteuna tei gnafa ka Thongna Mediterenian. Keha namono te au ke lamnagna rijon igne: Mahalab, nei Aksib,

Josua 11:3

Mana jaola fatei cheke ka hatimare mae king te au ke maghati nei ke mosu Kenan. Mana ne fatei cheke igre ka hatimare mae Amo, mae Hit, mae Peres nei mae Jebu te au ka thogele ke holo. Mae Jabin jaola ne fatei cheke igre ka hatimare mae Hivi te au ka pesi Thogele Hemon ka nohi Mispa.

Fapea Samuel 24:2

Aonu mae Devet ne cheke eghu ka mae Joab, “Ghema Joab, iagho hata balumu mae komanda ka armi ra mala tei ka vike te gnafa Israel ra mala kahadi mae iheire naba te mala tei ka magra. Ghotilo fufunu ke raru namono Dan tei posa ke mata namono Bereseba. Iara magnahaghei te laseni niha mae te au ka namono igre.”

Jajis 3:3

Vike te au ka glose igne na igre: glima lidadi Filistia te diꞌa igre baludi nodi naiknore, nei vikegna Kenan, nei vikegna Saedon, nei vikegna Hivi te au ka Thogele Lebanon fari hotei Baal-Hemon tei posa Lebo-Hamat.

Fapea Samuel 24:8

Kate gnafa kahadi naiknodi Israel gre, mare neke pulo Jerusalem. Uve, thei mare igne, hata nheva nhigra varadaki narane.

Profet Sekaraea 9:3

Naiknodi Taea neke babana vido rheta mala poru, eghuteuna tothoghei kmana silva nei gol ka nodi vido re. Glepo igre kmana fara jateula gaughavu ka nabrou ra eghu.

Josua 9:1

Mae Josua baludi maedi Israel igre mare magra ne uludi phei namono biꞌo Jeriko ghe Ai. Eghuteuna nonomho eigna igne ne tei thoke ka mae king te au ka namono te gnafa ke mosu Khoꞌu biꞌo Jordan. Mae king igre funudi ka vikegna mae Hit, ka vikegna mae Amo, ka vikegna mae Kenan, ka vikegna mae Peres, ka vikegna mae Hivi, nei ka vikegna mae Jebus. Mae igre au ka thogele nei ka gukhu ke mosu, nei ka sare rhegna Mediterenian, tei posa ke raru kantri Lebanon. Mare kafe nomhini thoutonu eigna mae Josua igne baludi mae Israel te uludi nodi naokare ka magra igre.

Josua 9:7

Nu maedi Israel igre ne cheke eghu ka mae Hivi igre, “Theome doglo ghehati te eni kaisei nhaꞌa cheke balumi ghotilo naugna glahu ghotilo au rhemi ghehati kolho.”

Josua 19:28

nei Abdon, nei Rehob, nei Hamon, nei Kana, eghuteuna riju tei posani namono biꞌo Saedon.