Fapea Samuel 24:6 - Buka Blahi Ka Cheke Holo

⁶ Mare ne tei Gilead, ke leghu mare ne tei Kades ka nodi kantri mae Hit. Aonu mare ne tei ka phei namono Dan ghe Jagon, eghuteuna mare figri neke tei ke mosu ka namono Saedon.

Fapea Samuel 24:6 ပူးပေါင်းရင်းမြစ်များ

Josua 19:28

nei Abdon, nei Rehob, nei Hamon, nei Kana, eghuteuna riju tei posani namono biꞌo Saedon.

Jajis 1:31

Eghuteuna vikegna Asa igne jaola theome khi fajifladi naiknodi Kenan te au ka namono Ako, nei Saedon, nei Ahalab, nei Aksib, nei Helba, nei Afek, nei Rehob.

Josua 19:47

Ke leghu, kate theome tangomana mare te hata nodi glose mare igre, mare tei ne magra ka naikno ka namono Laes. Mare ne uluni namono igne ka magra, mare ne aknu falehe naikno te gnafa ka namono igne, mare jaola ne hata glose te au te lithui ni namono igne. Mare ne tuthughu nanghagna nodi namono mare Laes igne ka Dan nanghagna kuꞌedi mare tifa.

Josua 11:8

Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.

Naba 32:39

Aonu vikegna mae Makia, thugna mae Manase re ne tei thoke ka nohi Gilead, ne brue fajifla naiknodi Amoa teke au ka vido tuana.

Naba 32:1

Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Jenesis 31:21

Mana ne hata balugna tharakna gna na nei nodi gobigna lepore eghu ne rikha ne kasa ka Khoꞌu biꞌo Iufretis, aonu mare ne tei ne au ka thogele Gilead.

Jenesis 10:15

Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.