Fapea Samuel 24:5 - Buka Blahi Ka Cheke Holo

⁵ Mare tei ne kasa ka khoꞌu Jordan, eghuteuna mare tei ne fufunu ka namono Aroa fari hotei glogu biꞌo ka nohi Gad. Funu jare mare tei ne salaꞌu ke raru namono Jasa.

Fapea Samuel 24:5 ပူးပေါင်းရင်းမြစ်များ

Josua 13:9

Nodi glose mare igne, funu ka namono Aroa rhegna sare khoꞌu Anon nei ka namono te au farihotei glogu nei sare Medeba tei posa ka namono Dibon.

Diutronomi 2:36

Ka narane tuana, Lord neke togho ghita tahati neke hata nodi namono mare te funu Aroa ka geri Khoꞌu Anon, nei namono ka sare rhegna khoꞌu igne, tei posa ke raru namono Gilead. Theo kaisei namono te bara thina te haghe fara ba maku fara te mala theome tangomana tahati te uluni na.

Josua 13:16

Nodi glose mare igne funu ke mata namono Aroa ke demei glogu Anon tei posani namono farihotei glogu tei posadi sare biꞌo te gnafa lithuini namono Medeba.

Naba 32:35

Atrot-Sofan, Jasea, Jogbeha,

Naba 32:3

“Ka namono biꞌo Astarot, Dibon, Jasea, Nemra, Hesbon, Eleale, Sebam, Nebo, nei Beon teke uludi Lord malada tahati tekura, thofno keli fara maladi glepo te tautagu igre, eghuteuna iagho jaola laseni te au nomi kmana buluka, sipu, nei nanigot teu ghehati gre.

Naba 32:1

Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Naba 21:32

Eghuteuna ke leghugna teke kuru teidi mae Moses keha mae mala tei filo ka namono Jasea, mae armidi Israel re tei ne magra nei ngolhidi neu naiknodi Amoa te au teu jare re nei keha namono ikodi te au faligohoni namono tuana.

Profet Isaia 17:2

Eghuteuna namono Aroa igne baludi namono te gnafa te au falithui igre ginauna krogha. Ginauna sipu nei nanigot eghu kolho nate ghamu tafri teu ka namono igne. Eghuteuna theo kaisei naikno nate au teu jare te mala famamhaghudire.

Ululahu Samuel 30:28

Aroa, Sifmot, Estemoa

Josua 13:25

Nohi igne tei posa ka namono Jasea eghuteuna tei thoke ka namono te gnafa ke lamnagna nohi Gilead, vido glose te nogna mae Amon na doglo tei posa ka namono Aroa ke maghati Raba, au ke lamna glose igne.

Fapea Samuel 24:4

Nu kate tirogna tughu gaoghathogna King Devet te cheke faheta fara ka mae Joab, nei ka hatimare mae komanda teuna, mare jifla ne tei kahadi iheire te naba te mala tei ka magra na.