Fapea Samuel 24:24 - Buka Blahi Ka Cheke Holo

²⁴ Nu king ne cheke eghu ka mana, “Theo, iara mala foli. Iara theome tangomana te fafara ka Lord glepo teke fiti hata kolho iara na.” Aonu mana ne foli ka mana vido mala koko khune wit igne nei buluka eghu ka nabotho glima silva.

Fapea Samuel 24:24 ပူးပေါင်းရင်းမြစ်များ

Jenesis 23:13

ne cheke eghu ka mae Efron ke uludi naikno te gnafa te au ka namono igne, “Ghema Efron, iara magnahaghei nigho iagho te fanomho ka nogu cheke iara gne. Iara ginauna na foli nou vido glose iagho gne. Eghuteuna jame te doglo ka gaoghathomu iagho na, iagho hata nogu sileni iara gre mala tangomana iara te giugilui khetogu na ka glose igne na.”

Letas Teke Riso Tei Mae Pol Ka Khiloau Rom 12:17

Thosei tughu fapulo unha najafra teke eni ranghi ghami ihei na. Ghotilo eni ngala unha te keli ka tathadi naikno te gnafare.

Ululahu Kronikols 22:1

Aonu mae Devet au neu ka nogna glose mae Arauna igne ne cheke eghu, “Tahati ginauna horo nogna Sugablahi Lord mae ihei te God na ka vido igne. Eghuteuna olta te mala gahu fafara na ginauna jaola au agne.”

Jenesis 23:11

“Mae biꞌo, fanomho ka nogu cheke iara gne, iagho theome tangomana te foli u gluma igne. Iara ginauna na snakreni kolho ka iagho, balugna vido glose te au gluma igne. Ke uludi vikegu iara igre, iara gognaro na snakreni glose igne ka iagho mala giugilui iagho khetomu na.”

Jenesis 23:16

Mae Ebraham ne faꞌuveni cheke igne ne atha fajifla varadaki silva ke uludi hatimare mae Hit gre ne tusu lao ka mae Efron fofoli gna u glose igne.

Ululahu Kronikols 21:1

Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.