Fapea Samuel 24:2 - Buka Blahi Ka Cheke Holo

² Aonu mae Devet ne cheke eghu ka mae Joab, “Ghema Joab, iagho hata balumu mae komanda ka armi ra mala tei ka vike te gnafa Israel ra mala kahadi mae iheire naba te mala tei ka magra. Ghotilo fufunu ke raru namono Dan tei posa ke mata namono Bereseba. Iara magnahaghei te laseni niha mae te au ka namono igre.”

Fapea Samuel 24:2 ပူးပေါင်းရင်းမြစ်များ

Fapea Samuel 3:10

Mana neke nhaꞌa cheke ka mae Devet, mana ginauna hata koko nolaghi te mala king igne ka vikegna mae Sol mala tusu lao ka mae Devet. Uve, mana ne eni kaisei nhaꞌa cheke te rheta tulao ka mae Devet mala king frunidi Israel ghe Juda, funu ka namono Dan ke raru na tei posa ka namono Bereseba ke mata na.”

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Profet Jeremaea 17:5

Lord ne cheke eghu, “Ihei te figri tagru ghau iara, nu rouronu kolho ka nogna nolaghi naikno te mala fakarhini na teuna, iara ginauna fateni naikno tuana mala thokeni hoholo biꞌo.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Ululahu Kronikols 21:2

Aonu king ne cheke eghu ka mae Joab nei hatimare mae komanda ka armi, “Ghotilo tei kaha naiknodi Israel, eghuteuna ghotilo kahadi mae iheire te nabadi te tei ka magra. Ghotilo mala fufunu ka namono Dan ke raru, tei posa ka namono Bereseba ke mata. Ghotilo mala ripot ka iara mala tangomana iara te lasedi niha naikno te au na.”

Fapea Samuel 23:37

mae Selek maegna Amon; mae Naharae maegna Berot, mae mala pala nogna glepo mala magra mae Joab thugna Seruia;

Fapea Samuel 17:11

“Eghume igne gaoghathogu iara na. Iagho ginauna kilo fodudi mae soldia te gnafa Israel ra, funu ke raru Dan tei posa ke mata Bereseba. Eghuteuna mare ginauna kmana fara jateula nusu ka gratha na are eghu. Aonu iagho kolho te batudi mare te tei ka magra na.

Fapea Samuel 8:16

Ka narane igre mae Joab thugna Seruia, mana mae komanda ka armi. Mae Jehosafat thugna mae Ahilud, mana mae mala reireghi nogna buka king.

Fapea Samuel 2:13

Eghuteuna mae Joab, thugna Seruia igne jaola ne hata nogna armi mae Devet na ne tei thafodi mare ka kaisei grano ikoi jare Gibea. Mae Abna gnokro neu baludi mae soldiare ka gerigna grano igne. Eghuteuna mae Joab baludi nogna soldiare mei ne au ka keha phile grano na.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Fapea Samuel 24:15

Aonu Lord ne snakre mei kaisei fogra te thono diꞌa fara ka naiknodi Israel, funu ka hamerane tuana tei posa ka narane teke chekeni mana na. Eghuteuna fitu salei thogha naikno ne lehe ka fogra igne, funu ke raru Dan tei posa ke mata Bereseba.