Fapea Samuel 24:17 - Buka Blahi Ka Cheke Holo

¹⁷ Kate filoni King Devet engel te goigonidi naiknore igne, mana ne tarai eghu ka Lord, “Lord, iara la thofno tapla jafra ka nakhibo! Naikno igre jateula sipu eghu leghuni nodi mae mala baubatu na kolho. Mare theome eni kaisei glepo te diꞌa. Jame te keli na, iagho para ghau iara nei tharaknagu iara gre eghu kolho.”

Fapea Samuel 24:17 ပူးပေါင်းရင်းမြစ်များ

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Fapea Samuel 24:10

Nu mae Devet ne mamaja nogna fara ka unha te eni thegna kate kaha tela gnafahi mare naiknore, ne tarai eghu ka Lord, “Unha teke eni iara ia thono fameomekro nei thofno diꞌa fara eghu. Lord, hata fadelei nakhibogu gre.”

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Thoutonu Eigna Mae Job 7:20

Iagho filo ka naiknore, nu jame te tapla jafra iara ka nakhibo na unha glepo te diꞌa teke eni iara ka iagho na? Naugna unha sagho te eni ghau iara jateula te lilisei nou vido mala fada tagna teu gnea? Ba, iara te edi kmana puhi biꞌo ka iagho na?

Ululahu Kings 22:17

Aonu mae Maekaea ne cheke eghu, “Iara ginauna chekeni ka iagho unha te filoni iara ka mifi na. Ka mifi igne iara ne filodi soldia te gnafa Israel igre ne thofa tafri ke kligna thogele jateula sipu te theo kaisei mae te mala reireghidi ra neu. Eghuteuna Lord ne cheke eghu, ‘Mae soldia igre theo kaisei nodi mae lida te keli. Nu te keli na mare tei ka namono, naugna magra na la gnafahi.’ ”

Jenesis 44:33

“Eghume iara magnahaghe nigho iagho te snakre ghau iara mala ke tughuni mae sitei igne, eghuteuna iara ginauna mala au agne mala nou mae gloku iagho. Iara tore nigho fara mala snakreni iagho mana mala ke pulo mana ka mae mama baludi mae tighagna igre.

Jenesis 18:23

Mae Ebraham ne lao rhegna Lord ne cheke eghu, “Lord, iagho magnahaghei te roꞌedi naikno te doglo gre baludi naikno te diꞌa gre sia?

Fapea Samuel 7:8

“Iagho tei cheke eghu ka nogu mae gloku iara mae Devet, ‘Igne unha te chekeni Lord mae ihei te au nolaghi fateote'o na: Iara neke hata fajifla nigho iagho ka gloku te mala reireghi sipu igne, eghuteuna iara gognarona vahi nigho iagho mala baubatudi nogu naikno iara Israel.

Profet Jona 1:12

Mae Jona ne cheke eghu ka mare, “Iara laseni nuri biꞌo nei maraghata teu te thoke ghita tahati igne, naugna iara neke fariu riu rikhani Lord. Eghume, ghotilo koko soru ghau iara lamna thongna, eghuteuna thongna gne ginauna nake muana.”

Eksodas 10:16

Aonu mae king ne ghosei ne fatei cheke ka mae Moses ghe mae Eron mala tei phia mare ka mana. Kate tei phia mare ka mana na, mana ne cheke eghu ka phia mare, “Iara la thofno nakhibogu fara ranghini nomi Lord God ghotilo na, nei ranghi ghami la ngau ghopa eghu.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Nodi Khoje Hatimare Mae Jiu 32:5

Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.