Fapea Samuel 24:16 - Buka Blahi Ka Cheke Holo

¹⁶ Eghuteuna engel te mala falehe naikno ka fogra igne ne tei thoke Jerusalem. Nu Lord ne kokhoni nognadi naiknore ne cheke eghu ka engel igne, “Gnafa jareghu! La nabahi!” Ka narane igne, engel nogna Lord na kegra neu rhegna vido te mala koko khune wit na. Igne nogna vido glose mae Arauna, kaisei mae ka vikegna mae Jebus.

Fapea Samuel 24:16 ပူးပေါင်းရင်းမြစ်များ

Eksodas 12:23

Ka bongi tuana Lord ginau na tei ka vido te gnafa ka kantri Ijep gne mala falelehe mae sua nalhaꞌu teke kulu karha ka naiknodi Ijep. Kate filodi Mana u dadara te au ka geridi nomi grengatha ghotilo re, Mana ginau na ghasa polho ghami ghotilo. Eghuteuna Mana na theome snakreni engel te mala falehe naikno na te ruma te mala falelehe thumi ghotilo re.

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Fapea Kronikols 3:1

Aonu ka fafati finogha ka fapea nhigra te king mae Solomon igre, mana ne funu loku ka nogna Sugablahi Lord. Mana ne horo Sugablahi igne Jerusalem ka vido aheva teke vahinihi kmagna mana King Devet, teke tarabanahi vido te mala babana Sugablahi igne ke kligna Thogele Moriah, ka vido te mala fagagae wit mae Arauna tifa ia, mana vikegna mae Jebus. Igne vido aheva Lord teke fakakhanani thegna ka mae Devet ia.

Fapea Kings 19:35

Ka bongi tuana, kaisei engel nogna Lord ne tei ka vido te au teu mae soldia di Asiria igre ne aknu falehe kaisei gobi nhanasalei glima thogha soldia. Kate dofra haghe mare ka keha narane na, mare ne filodi thinidi mae soldia te lehehi re.

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Fapea Korin 2:6

Puhi te eni ghotilo naikno kmana ranghini mae tuana la nabagnahi.

Nonomho Te Keli Teke Risoi Mae Mak 14:41

Mae Jisas neke tei tarai fatilo fata. Ke leghugna igne, mana neke pulo mei ka thilo mae fanomhore. Mana ne cheke eghu ka thilomare, “Ghotilo gnafa nomi nei thuru nomi eghu kolho sia? Tuana la nabahi! Narane te mala snakre lao ghau iara ka khamedi mae te diꞌare la thoke meihi.

Profet Sekaraea 9:7

Iara ginauna theome snakredi mare mala ghamu nafnahi te au dadara tagna nei keha gano te blahi langau eghu. Naiknodi Filistia te karha teura ginauna loku fodu ka nogu naikno gre mala kaisei ngala ka nogu naikno iara re, eghuteuna mare ginauna jateula te kaisei vikegna Juda eghu. Naiknodi Ekron ginauna nogu naikno iara, jateula naiknodi Jebus eghu.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Profet Emos 7:6

Aonu, Lord God neke tughu gaoghathogna na ne cheke eghu, “Uve. Glepo igne ginauna na jaola theome thoke mei.”

Profet Emos 7:3

Eghume Lord neke tughu gaoghathogna na ne cheke eghu, “Glepo teke filoni iagho igne ginauna theome thoke mei.”

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Profet Isaia 27:8

Puhi te para ghita na te khi fajifla ghita mana te mala tei kokoni tahati noda namono igne. Uve, nolaghi te khi ghita mana igne jateula nolaghi gna nuri te brana te ghaghafa mei ke maghati ra eghu.

Nodi Khoje Hatimare Mae Jiu 135:14

Lord iagho ginauna chekeni te doglo nou naiknore, nei kokhoni ni nou mae gloku gne.

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Nodi Khoje Hatimare Mae Jiu 35:6

Kate mei teidi mare nou engel iagho na te ngolhire, iara magnahagheni vido aheva te tei mare na totoglo nei romno fara eghu mala theome bligidi mare te rikha na.

Ululahu Kings 19:4

Aonu mae Elija nolo kaisei narane thongana ne tei ka namono nagou na. Mana tei ne filoni kaisei gaju ikoi ne tei gnokro ka naungo gna gaju igne ne tarai, “Nabahi! Lord, iagho hata fadelei nakarhagu iara gne. Te keli na iara mala lehe jateula mae kmagu ra eghu kolho.”

Fapea Samuel 24:18

Jaola ka narane igne, mae profet Gad tei ne filoni mae Devet, ne cheke eghu ka mana, “Iagho tei ka nogna vido mala koko khune wit mae Arauna ia, vikegna mae Jebus igne mala eni kaisei nogna olta Lord.”

Fapea Samuel 5:8

Ka narane tuana, mae Devet ne cheke eghu ka nogna mae soldiare, “Jame te hata tahati namono igne ka vikegna mae Jebus igre na, tahati ginau tei ka khora te mala toho khoꞌu mare ana. Mala tei posa tahati ka nogu naoka iara mae te dofu nei blughu teu tuare. Iara theome magnahaghedi nafnata naikno tuare.” Mare ghathoni nogna cheke mae Devet igne ne cheke eghu, “Naikno te dofu nei blughu teure theome naba te tei ruma ka sugagna king.”

Jajis 1:21

Nu vikegna Benjamin igne neke theome ngolhi fajifladi vikegna Jebus teke au Jerusalem igre, naugna igne mare snakreni vikegna Jebus igne mala au fabrahu kolho baludi mare ka namono igne.

Josua 15:63

Nu vikegna mae Juda igre theome tangomana te ngolho fajifladi vikegna mae Jebus teke au Jerusalem funu tifa igre. Naikno igre au ngala baludi vikegna mae Juda ghilei mei posa gognarogne.

Eksodas 12:13

U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Eksodas 32:14

Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Profet Jeremaea 26:19

Ba, mae King Hesekaea baludi naiknodi Juda igre neke faleheni mae profet Maeka eidi nogna cheke mana igre? Theo kolho. King neke ghatho tahuni Lord neke tarai ka mana mala toghodi mare. Naugna igne Lord neke tughu gaoghatho neke theome goigonidi mare, jateula teke ghathoni mana na neku. Nu tahati namo thoke ghita kaisei puhi biꞌo fara.”

Profet Jeremaea 42:10

‘Jame te au fabrahu ghotilo agne Juda na, iara ginauna reireghi ghami ghotilo, eghuteuna iara ginauna theome tangomana te fapari ghami ghotilo na. Iara ginauna na jateula kaisei mae te babana suga maku te theome tangomana iara teke paꞌe soru, ba jateula kaisei nagare te theome tangomana iara te rathu koko. Iara kokhoni ghami ghotilo eigna puhi biꞌo te eni iara te goigoni ghami ghotilo igne.