Fapea Samuel 23:3 - Buka Blahi Ka Cheke Holo

³ Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Fapea Samuel 23:3 ပူးပေါင်းရင်းမြစ်များ

Fapea Samuel 22:32

Lord ngala God te tutuani na! Theo kaisei Thina jateula mana teuna.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Eksodas 18:21

Jaola, iagho vavahi keha famane mae funei te lalase mae iheire te ghatho tahuni God nei mae iheire te tutuani nodi cheke re nei mae iheire te theome tusu lao sileni ka naiknore te mala eni u puhi te diꞌa na eghu. Mae igre keha mala batuni kaisei thogha naikno, keha mala batuni kaisei gobi, keha mala batuni glima fului nei keha mala batuni nabothoi eghu.

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Nodi Khoje Hatimare Mae Jiu 42:9

God, iagho bara fothidi koba nogu naoka iara re mala thosei mei mare mala magri ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Profet Isaia 32:1

Kaisei king ginauna funei ka puhi te thofno doglo fara. Eghuteuna nogna mae funei re ginauna jaola funei ka puhi te doglo.

Proveb 31:9

Kate gnokro ka kot na, iagho mala eni puhi te fadoglo na. Eghuteuna iagho toghodi naikno te kuma nei iheire te au ka nakarha te ninhigrana.

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Nehemaea 5:14

King Atasekses neke vahi ghau iara mala mae gavana gna Juda. Aonu iara neke gavana gna Juda nabagna nabotho phei finogha, funu ka varadaki finogha gna King Atasekses te funei fruni Pesia ghilei mei posa ka tolufulu phei finogha gna mana. Ke lamnadi finogha igre, iara baludi mae kheragu gre ghehati theome ghamu gano te keli gavana nabagna te mala hata na.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Thoutonu Eigna Mae Job 34:17

Ba, jame tirognani God puhi te doglo na, iagho gaoghathomu na mana tangomana te funei frunini ni nauthoglu igne? Ba, iagho ginauna cheke faparini God mae ihei te doglo nei nheta fara teu igne?

Nodi Khoje Hatimare Mae Jiu 72:1

God, ghehati tore nigho iagho mala tusu lao glalase ka nomi king gne mala fatedi mana naiknore ka puhi te doglo jateula iagho themu eghu. Tusu lao glalase ka mana mala tangomana mana te fadogli thua nafnata puhi te edi naikno gre.

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.