Fapea Samuel 23:20 - Buka Blahi Ka Cheke Holo

²⁰ Benaea thugna mae Jehoeada kaisei mae frane gna Kabsel, mana jaola kaisei mae soldia nheta te hata nafnakno biꞌo. Eghuteuna mana edi kmana glepo te biꞌo, eghuteuna kaisei glepo na, mana neke aknu falehe phei mae soldia nheta di Moab. Eghuteuna ka narane te khoveo maku te kiloi aes igne, mana soru ka khora na neke aknu falehe kaisei lion.

Fapea Samuel 23:20 ပူးပေါင်းရင်းမြစ်များ

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Fapea Samuel 8:18

Mae Benaea thugna mae Jehoeada, mana mae komanda fei sekiuriti, mana vikedi mae Keret ghe mae Pelet. Eghuteuna thugna mae Devet igre mare mae pris.

Josua 15:21

Namono te thofno au ke mata rhegna nodi rijon naiknodi Idom re igre, Kabsel, nei Eda, nei Jagua,

Ululahu Kings 2:46

Aonu king neke chekeni mae Benaea mala faleheni mae Simei. Aonu mae Benaea tei ne aknu faleheni mana. Eghume nogna nolaghi mae Solomon te mala funei fruni na thofno rheta farahi.

Ululahu Kings 1:38

Aonu pris Sadok, profet Natan, Benaea thugna mae Jehoeada, nei hatimare mae te mala reireghini king teu te au faleghu ka vikedi mae Keret ghe mae Pelet igre ne cheke ka mae Solomon mala gnokro ka nogna dongki King Devet na ne hatani ne tei ka glokha khoꞌu Gihon.

Ululahu Kings 1:26

Nu mana theome kilo ghau iara nou mae gloku gne, ba mae Pris Sadok, ba Benaea thugna mae Jehoeada, ba thumu iagho mae Solomon.

Ululahu Kings 1:8

Nu pris Sadok, Benaea thugna mae Jehoeada, profet Natan, Simei, Rei nei kaisei mae biꞌo te mala reireghini King Devet igre ne theome phile ka mana.

Eksodas 15:15

Aonu hatimare mae biꞌo te mala baubatu ka phei kantri Idom nei Moab teu gre ne nanga nodi fara. Eghuteuna nodi nanheta naiknodi Kenan re ne blalho jateula nabubla hamerane ra neu kolho.

Ululahu Kronikols 12:8

Eghuteuna keha mae ka vikegna mae Gad mei ne loku fodu ka nogna soldia mae Devet kate poru teu mare ka namono nagou na. Mae igre thofno mae soldia nheta fara, eghuteuna mare laseni fara lokugna greoreo nei goru teu ka magra na. Naiknore mhaghu nodi fara kate filodi mare na jateula te mhaghu fara kate filoni lion ia eghu. Eghuteuna mare lase chari fara.

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Ululahu Kronikols 18:17

Mae Benaea thugna Jehoeada igne mana nodi komanda mae te mala reireghini King Devet. Eghuteuna thugna mae Devet igre, mare jaola mae biꞌo ka gavman.

Fapea Samuel 23:21

Keha fata na, mana neke aknu falehe kaisei maegna Ijep te biꞌo jateula goigholi teuna. Mae igne hata goru balugna, nu mae Benaea gne hata kaisei gaju kolho. Mae Benaea hata goru igne ka khamegna mana na ne fada falehe.

Fapea Samuel 23:22

Igre glepo biꞌo teke edi mae Benaea re. Mae Benaea jaola neke hata nafnakno biꞌo jateula thilo mae soldia te nheta igre neku.