Fapea Samuel 23:16 - Buka Blahi Ka Cheke Holo

^16-17 Eghume thilo mae soldia te nheta fara igre ne tei ka vido aheva te au teu mae soldia di Filistia igne. Thilo mae igre tei fari hoteidi mare ne toho khoꞌu ka seu igne hata ne mei ka mae Devet. Nu mana ne theome koꞌu ka khoꞌu igne, aonu mana tarai ne cheke eghu ka Lord, “Lord, iara tirogu koꞌu ka khoꞌu igne, eigna khoꞌu igne jateula dadara di eghu thilo mae teke snakredi nakarhadire te tei igre!” Mana tofa soru khoꞌu igne ka glose na jateula kaisei fafara neu mala pogho soruni Lord. Igre glepo biꞌo te edi thilo mae soldia te nheta fara igre.

Fapea Samuel 23:16 ပူးပေါင်းရင်းမြစ်များ

Fapea Korin 5:14

Nogna namha Kraes na sagheleghu ghami ghehati. Naugna ghehati laseni kaisei Kraes ngala teke lehe tughu ghita te gnafa na. Eghume tahati te gnafa na jateula te lehe balugna mana eghu.

Jenesis 35:14

Jare ka vido tuana mae Jekop ne fakegra haghe kaisei thina brahu ne fafara. Mana fablahi thina igne ne tofa khoꞌu nei oel neu ke kligna gna.

Letas Teke Riso Tei Mae Pol Ka Khiloau Rom 5:7

Ninhigrana fara ranghini kaisei naikno te magnahaghei lehe tughuni kaisei naikno te doglo na. Nu jame kaisei mae te frane, mana tangomana te lehe tughuni kaisei mae te keli fara na.

Lamentations 2:19

Leghu bongi, kate tughu mae te reireghi igre, jame te keli na iagho dofra haghe mala tanhi ka Lord. Ngafa haghe khame ka mana, mala toreni mana mala toghodi goro sua. Goro sua igre glehe grofo heva heva ka sulukhugna nabrou biꞌo na.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Fapea Samuel 23:9

Kaisei ka thilo mae nhuludi mae soldia igre, mae Eleasa thugna mae Dodae ka vikegna mae Ahohi. Naugna mana kaisei ka thilo mae igre neke kegra rhegna mae Devet kani teke cheke fadiꞌadi mare mae soldiadi Filistia teke thugha mei te mala magra na. Kate mei soldia igre, soldia di Israel igre suaraghi neke rikha,

Ululahu Samuel 19:5

Mana neke lisei faleghu nakarhagna na neke faleheni mae Golia. Ka narane igne Lord neke toghoni Israel neke uluni magra na. Kate filoni igne, iagho neke gleale'a fara. Mana theome eni kaisei glepo te diꞌa. Naugna unha sagho te magnahaghei faleheni mana gnea? Iagho theo kaisei nou gaoghatho te keli te mala faleheni mana na!”

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Naba 28:7

Eghuteuna kate eni ghotilo fafara igne, ghotilo ginauna ka tofa lao kaisei lita waen ka olta na mala mei fafara tuana ka iara.

Ululahu Kronikols 11:18

Thilo mae soldia te nheta fara igre nomhini igne kegra haghe ne tei ka vido aheva te au teu soldia di Filistia tagna na, eghuteuna thilo mare doglo ne tei fari hoteidi mare ne tei hata khoꞌu ka seu igne hata neke figri ka mae Devet. Nu mana ne theome koꞌu khoꞌu igne, mana ne totofa khoꞌu igne jateula kaisei nogna fafara ka Lord neu ne tarai eghu,

Eklesiasti 4:12

Eghuteuna jame kaisei naoka posa mei, kaisei mae na theome tangomana te uluni magra igne. Nu jame phiamare loku fodu, phei mare na uluni mana. Uve, phukri te pukri fodu mare ka thilo gnarho na theome tangomana te ghosei khusu na.