Fapea Samuel 23:10 - Buka Blahi Ka Cheke Holo

¹⁰ nu mae Eleasa kolho teke magra heta na. Mana magra mala aknu falehedi soldiadi Filistia gre ne ghilei theome tangomana mana te loku haghe nogna naflahi mala magra na. Ka narane igne, Lord toghoni mana neke uluni magra igne. Eghuteuna kate gnafahi magra na, mae soldia di Israel igre neke pulo neke hata nodi glepo te keli hatimare mae soldia di Filistia teke lehe ka magra igne.

Fapea Samuel 23:10 ပူးပေါင်းရင်းမြစ်များ

Ululahu Samuel 19:5

Mana neke lisei faleghu nakarhagna na neke faleheni mae Golia. Ka narane igne Lord neke toghoni Israel neke uluni magra na. Kate filoni igne, iagho neke gleale'a fara. Mana theome eni kaisei glepo te diꞌa. Naugna unha sagho te magnahaghei faleheni mana gnea? Iagho theo kaisei nou gaoghatho te keli te mala faleheni mana na!”

Ululahu Samuel 11:13

Nu mae Sol ne cheke eghu, “Theo. Tahati theome tangomana te aknu faleheni kaisei mae ka theda na, naugna Lord neke fakarhidi naiknodi Israel gre ka narane igne.”

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Letas Teke Riso Tei Mae Pol Ka Khiloau Rom 15:18

Nu iara ginauna cheke thakleni kolho unha te eni Kraes ka iara na, ka puhi te batudi iheire te theome Jiu mala leghuni God. Mare leghuni God naugna ka unha te chekedi nei eni ranghidi teu iara re.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Nodi Khoje Hatimare Mae Jiu 144:10

Iagho themu ngala te toghodi hatimare mae king di Israel gre te ulu koba mare kau magra na. Iagho themu ngala teke fakarhini mae king Devet nou mae gloku iagho ia.

Nodi Khoje Hatimare Mae Jiu 108:13

Kate au teu God baluda tahati na, tahati ginau ulu gheda, naugna mana tangomana te uludi noda naoka tahati re.

Nodi Khoje Hatimare Mae Jiu 68:12

Mana cheke eghu, “Hatimare mae king nei hatimare mae armi teure la rikhahi.” Eghuteuna goro gaꞌase teke au teku ka namono na ne tufa glepo teke hata hatimare ka magra ra.

Fapea Kings 5:1

Mae Naman gne kaisei komanda ka armi gna Siria. Eghuteuna king gna Siria igne thofno magnahagheni nei keli tagnani eghu mae Naman. Naugna Lord neke toghoni mana mala tangomana armi gna Siria te uludi magra re. Mana kaisei mae soldia keli tutuani fara, nu mana au tagna kaisei fogra te diꞌa te kiloi leprosi ka thinigna na.

Ululahu Samuel 14:23

ne aknu falehedi, magra igne ne ghilei tei salaꞌu ka namono Bet-Aven. Ka narane tuana, Lord ne thofno toghoni armigna Israel ne uluni magra igne.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Jajis 15:18

Samson roi koꞌu, eghuteuna mana ne tanhi eghu ka Lord, “Lord, God! Iagho togho ghau iara neke uludi soldia di Filistia, ba iagho magnahaghei ghau iara te lehe ka khamedi naikno bongihehedi Filistia igre?”

Jajis 15:14

Kate mei Samson Lehi na, soldia di Filistia igre chari ne mei balu eha fabiꞌo. Ka narane tuana, Tharunga gna Lord na ne mei ka Samson, neke farhetani mana. Mana ne kusu phei gnarho teke haru ka mana igre, jateula mae ihei te lolhopa buburu moja ra neu.

Josua 11:8

Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Josua 10:10

Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Fapea Samuel 23:12

Nu mae Sama ne magra heta ne falehedi mare hui. Ka narane igne, Lord ne toghoni mae Sama ne thofno uludi soldia di Filistia.

Ululahu Kronikols 11:13

Kaisei narane mae Eleasa au neku balugna mae Devet ka namono Pas-Damim ka teke mei soldia di Filistia igre teke magra ka kaisei nagare bali na, nu soldia di Israel igre neke kafe rikha. Mae Eleasa ghe mae Devet kolho teke magra heta teke aknu falehe soldia di Filistia. Ka narane tuana, Lord neke toghodi phiamare neke thofno uludi mare.

Ululahu Samuel 17:53

Ke leghugna igne, mare figri neke pulo ka vido aheva te au armi gna Filistia igne, mare ne vavaro fahui nodi gobigna lepo mare re.