Fapea Samuel 23:1 - Buka Blahi Ka Cheke Holo

¹ Igne nogna cheke leghu lahu mae Devet, thugna mae Jesi. Nogna God mae Jekop neke vahini mae Devet mala mae king biꞌo. Eghuteuna nodi God mae Israel te au nolaghi biꞌo igne namhani mana. Kate cheke God ka mana te mala cheke na, mae Devet ne cheke eghu:

Fapea Samuel 23:1 ပူးပေါင်းရင်းမြစ်များ

Nodi Khoje Hatimare Mae Jiu 89:20

Iara ngala teke tofa oel blahi na ka phaꞌugna nogu mae gloku Devet. Uve, igne fagaglanagna te vahini mana te mala king na.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Profet Emos 6:5

Ghotilo magnahaghei khoje majaghani jateula teke eni mae Devet tifa ia eghu, eghuteuna leuleghu fata na ghotilo koje koba khoje igre ka gita.

Nodi Khoje Hatimare Mae Jiu 72:20

Igne huigna nogna tharai mae king Devet, thugna mae Jesi.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Ululahu Kronikols 16:9

Tahati koje mala kilo fnaknoni mana. Uve, tahati mala chekedi glepo biꞌo teke edi mana re.

Ululahu Kronikols 16:7

Igne narane ululahu te nhaꞌa lao gloku mae Devet ka vikegna mae Asaf te mala koje nei kilo fnaknoni Lord. Mare ne koje eghu:

Ululahu Samuel 2:10

Lord ginauna fatedi naikno te au ka namono te gnafa ka nauthoglu igne. Mana ginauna goigonidi nogna naoka re. Mana ginauna au kligna, mala fapoha mei fila ka mare. “Eghuteuna mana ginauna tusu lao nolaghi ka king teke vavahi mana na. Uve, mana ginauna pala hagheni nei toghoni eghu mana mala ulu fabrahu.”

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Luku 20:42

Naugna kau buka Sam ia thegna mae King Devet neke cheke eghu, “ ‘God ne cheke ranghini nogu mae funei iara na, iagho gnokro agne fei nhetagu iara.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Jenesis 49:1

Mae Jekop ne eha meidi mae thugna re ne cheke eghu ka mare, “Mei ghotilo rhegu iara agne mala kulu chekedi iara ka ghotilo unha nate thoke mei ka ghotilo ginau re.

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.

Ululahu Samuel 18:7

Kate ragi na, rehati koje ne cheke eghu, “King Sol neke aknu falehe kaisei thogha, nu mae Devet neke aknu falehe nabotho thogha.” Kate nomhini khoje igne, King Sol ne thono diꞌatagna fara. Mana ne cheke eghu ka gaoghathogna na, “Rehati kojeni iara aknu falehe kaisei thogha, nu mae Devet aknu falehe nabotho thogha ke salaꞌugu iarai. Jau mare ginauna na theome raugha vahini mana mala king!” Mae King Sol ne figri tagruni mae Devet neu gaoghathogna na ne thono goghotuni fara mae Devet.

Fapea Samuel 22:34

Mana taji fakeli ghau iara, mala theome uka iara, jateula deer te lase chari, ka thabafe te ninhigrana ra eghu iara.

Fapea Samuel 22:51

“Mae teke vavahi Lord te mala king na, leuleghu fata na, mana togho ghau iara mala uludi mae naoka re. Mana neke vahi ghau iara mala king, eghuteuna mana ghatho tahu ghau fabrahu. Eghuteuna iagho ginauna eni fabrahu igne ka iheire nate karha mei ka vikegu iara gne.”

Nodi Khoje Hatimare Mae Jiu 89:21

Iara ngala te fahetani mana na, eghuteuna nogu nolaghi iara na ginau au fabrahu balugna mana.