Fapea Samuel 22:6 - Buka Blahi Ka Cheke Holo

⁶ Nogna nolaghi glehe na mei falithui ghauhi iara jateula kaisei gnarho te haru ghau, iara mei kaisei phighoro gna glehe.

Fapea Samuel 22:6 ပူးပေါင်းရင်းမြစ်များ

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Profet Jona 2:2

“Lord, kate thoke ghau iara hoholo na, iara eha ari ka iagho, eghuteuna iagho fanomho mei ka iara ne cheke tughu ghau. Funu ka thiꞌagna beku na, iara tanhi ari ka iagho eghuteuna iagho nomhini naoglagu iara na.

Proveb 14:27

Puhi te ghatho tahuni Lord igne jateula khoꞌu te tusu lao karha ka naikno ra eghu.

Proveb 13:14

Nogna farirhiu mae te autagna gaoghatho te keli na tangomana te fakarhini naikno na kau glehe.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Nodi Khoje Hatimare Mae Jiu 18:5

U glehe na loku famaku ghau iara jateula phighoro eghu mala hata tei ghau iara kau gluma.

Thoutonu Eigna Mae Job 36:8

Nu jame te khale mare ka puhi biꞌo na, mare na au papara,

Luku 21:20

Mae Jisas ne cheke eghu, “Kate filodi ghotilo mae soldia te kafe khegra falithuni Jerusalem, ghotilo na laseni mare namo phaꞌe namono biꞌo Jerusalem.