Fapea Samuel 22:51 - Buka Blahi Ka Cheke Holo

⁵¹ “Mae teke vavahi Lord te mala king na, leuleghu fata na, mana togho ghau iara mala uludi mae naoka re. Mana neke vahi ghau iara mala king, eghuteuna mana ghatho tahu ghau fabrahu. Eghuteuna iagho ginauna eni fabrahu igne ka iheire nate karha mei ka vikegu iara gne.”

Fapea Samuel 22:51 ပူးပေါင်းရင်းမြစ်များ

Nodi Khoje Hatimare Mae Jiu 144:10

Iagho themu ngala te toghodi hatimare mae king di Israel gre te ulu koba mare kau magra na. Iagho themu ngala teke fakarhini mae king Devet nou mae gloku iagho ia.

Nodi Khoje Hatimare Mae Jiu 89:29

Leuleghu fata na kaisei mae ka vikegna mana na ngala te mala mae king na, eghuteuna iara ginauna kaisei mae king ka vikegna mana igne ginauna funei frunidi fabrahu naiknogna Israel jateula maloa te au fabrahu te theome gnafa kligna ana eghu.

Nodi Khoje Hatimare Mae Jiu 89:20

Iara ngala teke tofa oel blahi na ka phaꞌugna nogu mae gloku Devet. Uve, igne fagaglanagna te vahini mana te mala king na.

Nodi Khoje Hatimare Mae Jiu 18:50

God, iagho neke vahi ghau iara mala king neku. Eghuteuna iagho neke togho ghau iara mala tapla sorudi nogu naokare. Iara thofno laseni te thofno namha ghau iara iagho na. Eghuteuna iagho ginauna na jaola namhadi fara mae king Devet nei vikegna mana nate karha mei thogheiro re.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Profet Jeremaea 30:9

Mare ginauna loku ranghi ghau iara Lord, nomi God ghotilo, nei loku ranghini king teke vavahi iara ka vikegna King Devet.

Nodi Khoje Hatimare Mae Jiu 89:36

Vikegna mana na ginauna na theome tangomana te ari te khusu na. Uve, mare ginau au fabrahu jateula naprai te au fabrahu ka maloa na ana eghu mala king fabrahu.

Nodi Khoje Hatimare Mae Jiu 89:26

Mae Devet ginau cheke eghu ka iara, ‘Iagho nogu God iara, nei iagho kmagu iara na. Uve, iaghou ngala te mala saghe leghu ghau nei fakarhi ghau teu iara na.’

Nodi Khoje Hatimare Mae Jiu 48:3

God na au ka namono tuana mala togho ghita ka narane te magra na mala au fakeli tahati.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Nodi Khoje Hatimare Mae Jiu 3:3

Lord, iagho mala jateula nogu greoreo eghu iara ka hoholo te thoke ghau iara igre. Iagho ngala te loku haghe ghau iara na nei loku fapuloni nagnafagu iara na.

Fapea Samuel 22:2

“Lord na nogu Thina rheta mala poru iara. Mana neke fakarhi ghau iara.

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Fapea Samuel 23:1

Igne nogna cheke leghu lahu mae Devet, thugna mae Jesi. Nogna God mae Jekop neke vahini mae Devet mala mae king biꞌo. Eghuteuna nodi God mae Israel te au nolaghi biꞌo igne namhani mana. Kate cheke God ka mana te mala cheke na, mae Devet ne cheke eghu: