Fapea Samuel 22:49 - Buka Blahi Ka Cheke Holo

⁴⁹ Iagho neke tusu mei nafnakno biꞌo ka iara ka tathadi nogu naoka gre. Eghuteuna iagho fakarhi ghau iara ka mae te diꞌa puhidi te magnahaghei goigoni ghau iara igre.

Fapea Samuel 22:49 ပူးပေါင်းရင်းမြစ်များ

Nodi Khoje Hatimare Mae Jiu 140:1

Lord God, fakarhi ghau ka naikno te diꞌa igre. Baubatu fadelei ghau ka naikno te rodi magra igre.

Nodi Khoje Hatimare Mae Jiu 140:4

Lord God, baubatu fadelei ghau iara sagho ka naikno te diꞌa gre. Taji fakeli ghau ka iheire te khuru magra te roghe mala falehe ghau iara teu are.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Nodi Khoje Hatimare Mae Jiu 18:48

Iagho neke hata fapulo ghau iara ka khamedi nogu naokare. Tutuani fara, God, iagho neke fafnakno ghau iara ka tathadi nogu naokare. Iagho neke togho ghau iara neke theome tangomana naiknore te magra falehe ghau iara na.

Fapea Samuel 5:12

Kate filoni King Devet igne, mana thofno laseni Lord neke vahini mana te mala nodi king mae Israel. Eghuteuna mana jaola laseni Lord te fakelini nogna kantri na, naugna Lord namhadi fara nogna naiknore.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Naba 24:7

Nakarhami ghotilore ginauna keli fara jateula naikno te au ghedi famane khoꞌu ra eghu, eghuteuna vikemi ghotilore ginauna nheta jateula gano te au kmana khoꞌu tadi te karha kelidi ra eghu. Nomi king ghotilo na ginauna uluni mae Agag, nodi king vikegna mae Amalek, eghuteuna mana ginauna funei frunidi kmana kantri.

Nodi Khoje Hatimare Mae Jiu 44:5

Uve, ka nou nolaghi nei ka khamemu eghu iagho te tapla sorudi ghehati nomi naoka gre.

Fapea Samuel 18:31

Aonu theome raugha maegna Kus igne mei ne cheke eghu ka king, “King, nogu funei, iara hata mei nonomho te keli ka iagho. Gognarogne, Lord na fakarhi nighohi ka mae iheire te magra te khi fajifla nigho ra!”