Fapea Samuel 22:48 - Buka Blahi Ka Cheke Holo

⁴⁸ Lord, iagho tughu fapulo najafra teke edi nogu naoka iara ra, eghuteuna iagho togho ghau iara neke uludi mare.

Fapea Samuel 22:48 ပူးပေါင်းရင်းမြစ်များ

Nodi Khoje Hatimare Mae Jiu 144:2

Mana ngala te baubatu ghau nei reireghi ghau teu iara na. Uve, mana ngala te mala fakarhi ghau nei nogu vido mala poru la ngau teu iara na. Iara na tei au fakeli ka mana, naugna iara ne au nogu grouronu biꞌo ka mana. Manau ngala te tusu mei nolaghi ka iara na te mala funei frunidi iara naiknodi keha kantri gre.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Ululahu Korin 15:25

Eigna Kraes ginauna mala funei frunidi gobigna lepore ghilei thokeni narane God nate lisei soru nogna naoka Kraes re ke parigna nogna nolaghi na.

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Fapea Samuel 18:31

Aonu theome raugha maegna Kus igne mei ne cheke eghu ka king, “King, nogu funei, iara hata mei nonomho te keli ka iagho. Gognarogne, Lord na fakarhi nighohi ka mae iheire te magra te khi fajifla nigho ra!”

Fapea Samuel 18:19

Aonu mae Ahimas, thugna mae Sadok ne cheke eghu ka mae Joab, “Snakre ghau iara sagho mala chari tei iara mala toutonu ka king eigna Lord te hata fadelei nodi nolaghi nogna naoka re.”

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Ululahu Samuel 25:30

Lord ginauna na jateula teke nhaꞌa chekeni thegna ia eghu edi glepo te keli ranghi nigho iagho, mana ginauna vahi nigho iagho mala king gna Israel.

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!

Fapea Samuel 4:8

Phiamare hata phaꞌugna mae Isboset igne ne tei Hebron ne tusu lao ka king Devet. Aonu phiamare ne cheke eghu, “King, filo mei sagho! Igne phaꞌugna mae Isboset, thugna mae nou naoka iagho King Sol. Tifa na mana neke fariu riu falehe nigho iagho. Eghume, Lord gognarona togho nigho iagho kela tughu fapulo glepo te diꞌa teke edi king Sol ghe mae thugna, Jonatan ka iagho tifara.”

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’