Fapea Samuel 22:44 - Buka Blahi Ka Cheke Holo

⁴⁴ “Iagho neke hata fajifla ghau iara ka khamedi kheragu te tirodi ghau iara igre. Iagho neke vahi ghau iara mala funei frunidi keha kantri are, Naikno teke theome lasedi iara tifa re, gognarona mare au ke parigna nogu nolaghi iara.

Fapea Samuel 22:44 ပူးပေါင်းရင်းမြစ်များ

Profet Isaia 55:5

Iagho nogu mae gloku iara. Iagho ginauna kilo meidi naiknodi keha kantri teke theome lasedi iagho. Eghuteuna iheire teke theome lase nigho iagho igre ginauna chari mei ka iagho. Iara ginauna edi glepo igre mala thoke mei, naugna iara Lord nodi God te blahi mae Israel, iara fafnakno nigho.”

Fapea Samuel 3:1

Kaisei narane ke leghugna igne, magra farihoteidi naikno te leghuni king Sol nei naikno te leghuni king Devet teu igre ne theome gnafa. Eghuteuna mae te leghuni mae Devet igre ne nheta fara ne tapla sorudi mae te leghuni king Sol igre.

Fapea Samuel 19:14

Aonu nogna cheke mae Devet igre ne doglo ka gaoghathodi naiknodi Juda igre ne kaisei gaoghatho te mala toghoni mana na. Eghuteuna mare ne fatei cheke ka mana nei ka nogna naikno manare eghu mala ke pulo mei Jerusalem.

Fapea Samuel 19:9

Eghuteuna naikno te gnafa ka vike te gnafa Israel igre ne fapholai fari thedi. Kehare ne cheke eghu, “Gognarona king Devet ia la jiflahi ka kantri igne, naugna mana ne rikhani mae Absalom, nu mana neke fakarhi ghita ka naiknodi Filistia nei ka keha noda naoka tahati ra.

Diutronomi 28:13

Lord ginauna togho ghami ghotilo mala au nolaghi ke klignadi keha kantri are, eghuteuna mana theome snakre ghami ghotilo te au ke paridi nodi nolaghi keha kantri are. Jame te thofno leghudi nei ghatho tahuni teu ghotilo vetula te tusu ari iara ka ghotilo gognaro igre na, mana ginauna togho ghami ghotilo mala au ghotilo ke klignadi keha kantri are, eghuteuna Lord na theome snakre ghami ghotilo te mala au ke paridi mare na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Letas Teke Riso Tei Mae Pol Ka Khiloau Rom 15:12

Eghuteuna mae profet Isaia ne cheke eghu, “Kaisei mae ka vikegna Jesi ginauna mei. Mana ginauna mei mala funei frunidi iheire te theome Jiu, eghuteuna mare ginauna rouronu ka mana mala toghodi.”

Letas Teke Riso Tei Mae Pol Ka Khiloau Rom 9:25

Jateula God te cheke eghu ka nogna buka mae profet Hosia, “Naikno teke theome nogu iara re, iara ginauna kilodi nogu naikno iara. Naikno teke theome namhadi iara re, iara ginauna namhadi fara.”

Profet Hosia 2:23

Iara magnahaghedi nogu naiknore te au ka namono te keli. Tifa na iara neke kilo ghami ghotilo, Lo-Ruhama, naugna iara neke theome magnahaghei ghami ghotilo. Nu gognarona iara kela magnahaghei ghami ghotilo. Tifa na iara neke kilo ghami ghotilo, Lo-Ami, naugna ghotilo neke theome nogu naikno iara, nu gognaro na ghotilo nogu naikno iara. Eghuteuna naiknodi Israel igre ginauna cheke eghu ka iara, ‘Iagho nomi God ghehati!’ ”

Profet Daniel 7:14

Mae te au fabrahu funu tifa igne ne vahini mana mala mae king, eghuteuna tusu ranghini nolaghi nei nafnakno biꞌo. Eghuteuna naikno te au ka kantri te gnafa, kokholo te gnafa nei cheke te gnafa teu igre ginauna pogho soru ka mana. Eghuteuna nogna nolaghi mana te mala funei frunidi naiknore ginauna au fabrahu tifa tifa.

Profet Isaia 65:1

Lord ne cheke eghu, “Iara Lord, iara falase ghau thegu ka iheire te theome ghusna ghau iara igre. Eghuteuna iheire te theome hiro ghau iara igre nate filo ghau iara na. Ka ihei te theome tarai mei ka iara na, iara na cheke eghu, ‘Iara tarabanau kolho te mala togho ghami ghotilo na.’

Profet Isaia 60:12

Nu iara ginauna goigonidi kantri te theome mei loku ranghi ghami ghotilo igre.

Nodi Khoje Hatimare Mae Jiu 110:6

Mana ginauna fatedi naikno te gnafa ka keha kantri are, nei falehedi gnafa nou naoka iagho gre. Uve, mana ginauna tapla sorudi gnafa hatimare mae king te gnafa heva heva ka nauthoglu igne.

Nodi Khoje Hatimare Mae Jiu 18:43

Kate naoka ghau iara naiknore, iagho neke mei togho ghau iara te mala tapla sorudi iara mare. Eghuteuna iagho neke snakre ghau iara mala funei frunidi keha naikno teke theome lasedi iara tifa re.

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Fapea Samuel 20:22

Aonu naꞌa tei ka naikno gna namono igne ne cheke fajiflani nogna gaoghatho na. Mare leghuni nogna cheke naikno biꞌo igne ne tei kusu grara gna mae Seba. Eghuteuna mare hata phaꞌu gna mana igne ne haghe ka gringni gna namono na ne koko soru ka mae Joab. Aonu mae Joab kufli mala jifla mae soldiare mala ke figri mare ka king Jerusalem.

Fapea Samuel 5:1

Hatimare mae biꞌo ka vike te gnafa Israel igre ne tei ka mae Devet Hebron ne cheke eghu ka mana, “Filo sagho, ghehati gne thabusimu iagho ngala.

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.