Fapea Samuel 22:42 - Buka Blahi Ka Cheke Holo

⁴² Mare tanhi thotogho, nu theo kaisei te fakarhidire. Mare tanhi ari ka iagho Lord, nu iagho neke theome fanomho kolho ka mare.

Fapea Samuel 22:42 ပူးပေါင်းရင်းမြစ်များ

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Profet Maeka 3:4

Eghuteuna ghotilo mae lidami Israel ginauna tanhi ka Lord mala togho ghami, nu mana theome cheke tughu ghami ghotilo. Eghuteuna mana ginauna theome nomhidi nomi tharai ghotilo re, naugna ghotilo ne leghudi kolho puhi te diꞌa re!

Proveb 1:28

“Ka narane igne ghotilo ginauna kilo ghau iara mala togho ghami, nu iara ginauna na theome mei. Eghuteuna ghotilo ginauna fariuriu mala deni ghau iara, nu ghotilo ginauna theome filo ghau iara.

Profet Esikiel 20:3

“Maegna ka nauthoglu. Mae mala baubatu igre mei agne mala hironi gaoghathogu iara Lord God. Nu iagho cheke ranghidi nogu cheke iara igne: Naugna unha si ghotilo te magnahaghei mei hironi gaoghathogu iara na gnea? Iara eni nhaꞌa cheke igne ka nanghagu iara mae ihei te karha fabrahu tifa te tifa igne: Iara theome snakre ghami ghotilo te toreni kaisei glepo ka iara. Igne nogu cheke iara Lord God.

Thoutonu Eigna Mae Job 27:9

Kate thoke mei puhi biꞌo ka mae te diꞌa na, God ginauna theome nomhini nogna natanhi mana na.

Profet Isaia 17:7

Ka narane igne, naiknore ginauna filo kolho ka God mae ihei teke vuavuhadi re, eghuteuna mare ginauna filo glani kolho nodi God te Blahi mae Israel.

Profet Isaia 17:8

Mare ginauna theome pogho soru ka unha teke horo ka khamedi thedire. Eghuteuna mare ginauna figri tagruni mumujugna god gaꞌase Asera, balugna olta te mala gahu insens tagna na.