Fapea Samuel 22:33 - Buka Blahi Ka Cheke Holo

³³ Mana ngala God mae ihei te farheta ghau iara na, eghuteuna mana eni nogu nabrou te keli te mala leghuni iara.

Fapea Samuel 22:33 ပူးပေါင်းရင်းမြစ်များ

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Nodi Khoje Hatimare Mae Jiu 119:1

Naikno te thofno doglo fara nakarhadire mare thofno glealeꞌa nodi fara, naugna mare ne leghudi nogna vetula Lord re.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Fapea Samuel 22:2

“Lord na nogu Thina rheta mala poru iara. Mana neke fakarhi ghau iara.

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Nodi Khoje Hatimare Mae Jiu 101:6

Nu iheire ngala te ghatho brana nigho re nate au balugu iara re. Eghuteuna iheire te doglo puhidire, ginauna loku ranghi ghau iara.

Nodi Khoje Hatimare Mae Jiu 18:32

Kaisei God igne ngala mae ihei te mala fakegra heta ghau nei mala reireghi fakeli ghau teu kate tei iara na.

Thoutonu Eigna Mae Job 22:3

Ba, jame nakarhamu iagho na doglo, iagho gaoghathomu na iagho tangomana te toghoni God mae ihei te au nolaghi fateote'o igne? Jame nakarhamu iagho te keli na, igne theome tangomana te eni kaisei glepo te keli malagna God.

Diutronomi 18:13

Ka glepo igre, ghotilo mala thofno keli fara fabrahu ka tathagna Lord nomi God.”

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.

Nodi Khoje Hatimare Mae Jiu 32:8

Lord ne cheke eghu, “Iara ginauna na farirhiu ka iagho puhi te keli te mala leghuni iagho na. Iara ginauna na tusu ari gaoghatho te keli ka iagho eghuteuna iara na reireghi nigho iagho.